Apple-ի նոր AirPods ականջակալները կվերահսկեն Ձեր առողջությունը

0

2019 թվականի առաջին կեսին ամերիկյան Apple ընկերությունը պատրաստվում է թողարկել երկրորդ սերնդի AirPods անլար ականջակալներ:

Այս մասին հայտնում է DigiTimes-ը, որը հայտնի է իր կապերով Apple-ի՝ արտադրական սեգմենտի մատակարարողների հետ։

Ինչպես նշում է, պարբերականը Apple-ի եկամուտը գադջեթների ինչպիսիք են օրինակ (Smart Watch-երը և AirPods-ները) վաճառքի արդյունքում անցյալ տարվա նույն ժամանակահատվածի համեմատ աճել է 50 տոկոսով: Հետևաբար ամբողջովին բնական է ակնկալել ընկերության կողմից այս ապրանքատեսակների հետագա զարգացմանը:

Վերլուծաբանների կարծիքով «Apple Watch»-ի չորրորդ սերունդը նշանակալի շահույթ բերեց ընկերությանը, և դա պայմանավորված էր այն հանգամանքով, որ սարքը ուներ առանձնահատուկ տեխնոլոգիա, որն օգնում էր  մարդկանց ավելի ակտիվ կյանք վարել և հետևել առողջությանը։

Աղբյուրի համաձայն նոր AirPods 2 ականջակալները հագեցած կլինեն նոր գործառույթով։ Վերջիններս, ի տարբերություն, նախորդ մոդելի կկարողանան վերահսկել օգտատերերի առողջությանը:

Ավելի վաղ արդեն հաղորդվել էր, որ ապագա AirPods-ները կկարողանա հետևել օգտատերի զարկերակին և մարմնի ջերմաստիճանին, ինչպես նաև առողջության հետ կապված այլ բժշկական ցուցանիշների:

Այնուամենայնիվ, նշենք, որ Apple-ի այս ականջակալների մասայական արտադրությունը սպասվում է 2020 թվականին:

Այնինչ կանխատեսվում էր, որ 2019 թվականին,  AirPods-ները կլինեն ջրակայուն և կհամալրվեն աղմուկը նվազացնելու գործառույթով։

Ակնհայտ է, որ Apple-ի մրցակից նույնպես ձեռքերը ծալած չեն սպասում: Վերջերս Google-ը ձեռք է բերել Fossil Group-ից նոր տեխնոլոգիան՝ իր սեփական խելացի ժամացույցները (Smart Watch-երը) մշակելու համար:

Բացի այդ, ավելացնենք, որ Huawei, Samsung և Fitbit ընկերությունները նույնպես զարգացնում են օգտատիրոջ առողջության մասին հոգ տանելու գործառույթներով նմանատիպ սարքերի իրենց տարբերակները։

Share.