Apple-ը ստեղծում է ռոբոտ, որ կարող է մաս-մաս անել 1.2 մլն iPhone մեկ տարում

0

Օրերս Apple-ը հանդիսավոր կերպով մեկնարկեց նոր iPhone SE-ը, և միջոցառման ընթացքում ընկերությունը ներկայացրեց է իր նոր ծրագիրը, որը կոչվելու է Apple Renew: Ծրագրի գլխավոր նպատակն է կանգնեցնել կլիմայի փոփոխությունները: Ըստ նրանց լավագույն ճանապարհը դրան հասնելու համար հնարավորինս շատ Apple սարքեր վերամշակելն է:

liam_02-625x350Այդ իսկ պատճառով Apple-ը ստեղծել է Liam անունով  ռոբոտ: Նրա հիմնական գործունեություն է քանդել հին iPhone-երը ինչքան հնարավոր է արագ: Չնայած որ Liam-ը նոր տեխնոլոգիա է, այն արդեն իսկ ընդունակ է մաս-մաս անել 1.2 մլն iPhone մեկ տարվա ընթացքում: Իհարկե, սա չի նշանակում ուղղակիորեն քանդել iPhone-ը: Այն, զգուշորեն առանձնացնելով յուրաքանչուր բաղադրիչ, հավաքում է մասերը համապատասխան արկղերի մեջ, որից հետո դրանք ուղարկվում են վերաօգտագործման:

Ինչպես տեսնում եք, Liam-ը զինված է տեսախցիկով, որի օգնությամբ հայտնաբերում է  iPhone-ի մոդելը և ճշգրտորեն կատարում համապատասխան գործողությունները: Եթե հագեցնեք գործարանը Liam ռոբոտներով, ապա հնարավոր կլինի վերամշակել 10 միլլիոն սմարթֆոն տարեկան:

Իհարկե, որպեսզի այս ծրագիրը իրագործվի և հնարավոր լինի արդյունավետ վերամշակել հին gadget-ները, Apple-ը պետք է ունենա հաճախորդների մեծ և կայուն հոսք, ովքեր կցանկանան վերադարձնել իրենց հին և անպետք սարքավորումները: Որի դիմաց ընկերությունը անգամ պատրաստ է առաջարկել դրամական շնորհ:

Apple-ը կապահովի փաթեթային պիտակ ցանկացած հին Apple սարքի համար, որը ուզում եք ուղարկել վերամշակման: Կախված սարքավորման վիճակից և հնությունից, դուք կստանաք նվեր քարտ, որը կարող եք օգտագործել հետագում Apple խանութից այլ նոր սարքեր գնելիս:

Share.