Երբ է Apple-ը ներկայացնելու իր նոր iPhone 8-ը։ Շնորհանդեսը մոտ է։

0

Ինչպես հաղորդում են բազմաթիվ աղբյուրներ Apple-ի ամենամյա շնորհանդեսը, որի ընթացքում ընկերությունը ներկայացնում է իր նոր ապրանքները և սմարթֆոնը, որը հավանաբար, կստանա iPhone 8 անվանումը, ամենայն հավանականությամբ կկայանա սեպտեմբերի 12-ին։

Ակնկալվում է, որ տեխնոլոգիական հսկան ներկայացնելու է իր նոր արտադրանքները, որոնց շարքում լինելու են երկու նոր վերափոխված iPhone-ներ, որոնք հնարավոր է, անվանեն iPhone 7s և iPhone 7s Plus։ Բացի այդ ընկերությունը հանրությանն է ներկայացնելու բոլորովին նոր բարձրակարգ iPhone 8-ը: Ըստ որոշ լրատվական աղբյուրների Apple-ը, հնրավոր է, որ հայտարարի նոր 4K Apple հեռուստացույցը և նոր Apple Watch-ի մոդելը:

Նախատեսվում է, որ iOS 11 օպերացիոն համակարգի վերջնական տարբերակը նույնպես կթողարկվի սեպտեմբեի ամսին՝ սեպտեմբերի 20-ին, և համատեղելի կլինի ինչպես վերջին iPhone-ների, iPad-ների և iPod touch սարքեր-ի հետ, այնպես էլ նախկինում թողարկված սարքերի հետ։

iphone-8

Ակնկալվում է, որ iPhone 8-ը կունենա 5,8 դյումանոց OLED էկրան։ Forbes ամսագրի տվյալներով՝  iPhone 8-ը չափսերով փոքր-ինչ ավելի մեծ է, քան iPhone 7-ը: Ըստ որոշ տվյալների, Apple-ը տեղափոխել է մատնահետքի սենսորի կոճակը դեպի հեռախոսի հակառակ կողմը։ Վարկածներից մեկով բացի Touch ID-ից ընկերությունը սարքի դիմային հատվածում ավելացրել է դեմքի ճանաչման ֆունկցիան, որը, շնորհիվ 3-D սենսորի, ճանաչում է տիրոջը սկանավորելով վերջինիս դեմքը: Եվ վերջապես ինչ վերաբերվում է նոր սմարթֆոնի գնին, ասենք, որ ըստ որոշ սղբյուրների տվյաներլով՝ առաջատար սմարթֆոնի գները կսկսվեն 1000 կամ նույնիսկ 1100 դոլարից։

Ինչպես Apple-ի ցանկացած շնորհանդես, ամեն ինչ կարող է փոխվել վերջին վարկյանին, սակայն, կարծես, սեպտեմբերի 12-ը կմնա անփոփոխ:

Apple-ի նոր iPhone-ի հետ կապված սպասումները մեծ են, քանի ոչ չմոռանանք, որ, ի վերջո, սմարթֆոնի 10-ամյակն է։

Share.