Ձեր iPhone-ի հավելվածներից որոշները կդադարեն գործել iOS-ը թարմացնելուց հետո։ Ահա թե որոնք են այդ ծրագրերը։

0

Apple-ի նոր iOS 11 օպերացիոն համակարգը ակնհայտորեն այս տարվա ամենակնկալվող պորդուկտներից է: Վերջինս կտրամադրի հազարավոր նոր առանձնահատկություններ iPhone-ներին, iPad-ներին և iPod touch-երին առաջիկա ամիսների ընթացքում: Եվ քանի որ iOS-ի թարմացումները ժամանակի ընթացքում հասանելի են լինում բոլոր iOS սարքերի համար, հարյուր միլիոնավոր մարդիկ կտեղադրեն iOS 11 օպերացիոն համակարգը, երբ այն թողարկվի: Սակայն շատերը երկար չեն սպասի, և փոխարենը կտեղադրեն ծրագրի բետա տարբերակը, որը արդեն իսկ հասանելի է շատերին կամ կդառնա հասանելի այս ամսվա ընթացքում: Անտեղյակ լինելով որոշ մարդիկ հնարավոր է նույնիսկ տեղադրեն developer beta տարբերակը, քանի որ այդ գործընթացը շատ հեշտ է և չի պահանջում խորը գիտելիքներ կամ համակարգիչ:

iOS 11-ի հետաքրքիր և նոր առանձնահատկությունների մասին արդեն իսկ խոսել ենք, սակայն կա ևս մեկը, որը կմտահոգի օգտատերերին։ Ձեր հավելվածներից որոշները հնարավոր է նրանք, որոնցից ամեն օր օգտվում եք, չաշխատեն։

Ներկայիս IOS-ի տարբերակը աջակցում է ինչպես 32-բիթանոց հավելվածներ, այնպես էլ 64-բիթանոցները: Սակայն սկսած iOS 11-ից, Apple-ի սարքերը միայն կաջակցեն 64-բիթանոց ծրագրեր: Իհարկե շատ հավելվածներ պարբերաբար թարմացվում են, սակայն App Store-ում կան հազարավոր 32-բիթանոց հավելվածներ։

e2aLjtsKZ_CSJ75y3Nti-ICsOpyQbjBtFL7nxCy6Wh4

Անկասկած դուք Ձեր iPhone-ում նույնպես ունեք մեծ քանակաությամբ 32-բիթանոց հավելվածներ, որոնք կդադարեն աշխատել հենց այն ժամանակ, երբ անցնեք iOS 11-ին։ Թե որոնք են այդ հավելվածներըմ, կարող եք իմանալ հետևյալ կերպ՝

  • Բացեք Settings app-ը
  • Ընտրեք General
  • Ապա About
  • Սեղմեք Applications

Այս էջում կտեսնեք, թե ձեր հեռախոսում, որ հավելվածներն են 32-բիթանոց ծրագիր: Եթե թարմացնեք iOS-ը, լինի բետա տարբերակը, թե սեպտեմբերին ակնկալվող վերջնական տարբերակը, այդ ցանկում գտնվող ծրագրերը կդադարեն աշխատել։

Ի՞նչ կարող եք անել այս դեպքում։ Ցավոք, շատ տարբերակներ չունեք: Միակ բանը, որ կարող եք անել ժ կապ հաստատել ծրագիրը ստեղծողների և մշակողների հետ ճշտելու համար, թե արդյոք ծրագրերը թարմացումներ կունենա, թե ոչ։ Եթե ստանաք բացասական պատասխան, ապա ստիպված կլինեք հեռացնել հավելվածը Ձեր սմարթֆոնից։

Share.