Apple-ը ներկայացրել է նոր iMac-ը:

0

Ամերիկյան Apple կորպորացիան երկու տարի դադարից հետո պաշտոնապես ներկայացրել է iMac համակարգչի երկու նոր մոդել։

Նորույթները համալրված է 21.5 դյույմանոց 4K (կամ 27 դյույմանոց 5K) Retina էկրանով, որն ունակ է վերարտադրել ավելի քան 1 մլրդ գույն:

Ընկերության կայքում տեղադրված հաղորդագրության մեջ նշվում է, Vega տեսաքարտը և 14,7 միլիոն պիքսելով Retina էկրանը համապատասխանում են օգտատերերի նույնիսկ ամենաբարձր պահանջներին։

Համակարգչի նոր մոդելները հագեցած են 8-րդ և 9-րդ սերնդի Intel Core գերհզոր պրոցեսորով։

Ինչպես նշում է ընկերությունը, նոր պրոցեսորը գրեթե կրկնապատկում է աշխատանքի արդյունավետությունը, քանի որ այն 60 տոկոսով ավելի հզոր է 21.5 դյույմանոց նախկին տարբերակից, ինչպես նաև 2.4 անգամ՝ 27 դյույմանոց նախկին տարբերակից:

Նման հզոր պրոցեսորը կավելացնի նաև տեսանյութերի մշակման արդյունավետությունը։

iMac-ի նոր մոնոբլոկները առաջարկում են մինչև 64 GB ծավալով DDR4 RAM և 2 TB ծավալով SSD կրիչով կոնֆիգուրացիա:

Այնինչ, համակարգչի 21.5-դյույմանոց բազային մոդելը կունենա 32 GB օպերատիվ հիշողություն և 1 TB SSD:

Ավելին, համակարգչի երկու մոդելներն էլ համալված կլինեն Fusion Drive բարձր արագությամբ կրիչներով։

21.5 դյույմանոց էկրանով iMac-ի նախնական արժեքը կլինի 1600 դոլար, իսկ 27 դյույմանոց տարբերակինը՝ 2300 դոլար:

«Օգտատերերը կարող են վայելել iMac-ի հնարավորությունների հսկայական աճը», – ասել է Apple-ի մարքեթինգային ծրագրի տնօրեն Տոմ Բոգերը»:

 

Share.