Apple-ը կներկայացնի նոր iPhone-ները սեպտեմբերի 12-ին։

0

Ամերիկյան Apple կորպորացիան հաստատել է, որ շնորհանդեսը, որի ժամանական ներկայացվելու են ընկերության նորարարությունները, կկայանա սեպտեմբերի 12-ին:

Միջոցառումը կկայանա Կալիֆոռնիա նահանգում՝ Կուպերտինոյի Սթիվ Ջոբսի անվան թատրոնում:

Ավելի վաղ հայտնի է դարձել, որ տեխնոլոգիական հսկան պլանավորում է ներկայացնել iPhone-ի երեք նոր մոդելներ՝ 5,8 դյույմանոց iPhone Xs, 6,5 անկյունագծով iPhone Xs Plus և iPhone 9-ը: Ենթադրվում է, որ iPhone Xs-ը և iPhone Xs Plus-ը կթողարկվեն նոր գունային տարբերակով՝ ոսկեգույն: Ինչպես հիշում եք, նախորդ տարի iPhone X-ը թողարկվել էր միայն սև և մոխրագույն տարբերակներով: Տեղեկությունների համաձայն սմարթֆոնները կունենան առանց շրջանակի էկրան, կհամալրվեն A12 պրոցեսորներով և  մի շարք նոր գործառույթներով։

Ակնկալվում է, որ iPhone-ների բոլոր նոր մոդելները կստանան ժեստերով կառավարման ֆունկցիա, որն էլ կփոխարինի նախորդ սմարթֆոնների Home կոճակին։ Հնարավոր է, որ որոշ երկրներում նոր սմարթֆոնները վաճառվեն SIM քարտ տեղադրելու հնարավորությամբ: Այս տարբերակը սովորականից 100 դոլարով ավելի թանկ կլինի։

Նշվում է նաև, որ նոր սարքերի դիզայնը նախորդ մոդելների համեմատությամբ էական փոփոխությունների չի ենթարկվի։

Ենթադրվում է, որ բացի iPhone-ից, ընկերությունը կներկայացնի նար Apple TV-ի և Apple Watch-ի նոր տարբերակը սեփական բբջային կապով, որը հնարավորություն կտա օգտագործել ժամացույցն սմարթֆոնից անկախ։ Այսինքն, սմարթոն ունենալու անհրաժեշտություն չի լինի։

Իսկ բջջային iOS 12 օպերացիոն համակարգը ընկերությունը կներկայացնի սեպտեմբերի 18-ին:

Նշենք, որ միջոցառումը հնարավոր կլինի դիտել նաև օնլայն։ Այն կմեկնարկվի երևանյան ժամանակով 21:00-ին։

Այսպիսով, Apple–ի պաշտոնական շնորհանդեսին քիչ ժամանակ է մնացել։

Share.