Apple Ring

0

Image BlogApple ընկերությունը վերջերս արտոնագրման է ներկայացրել շատ ավելի փոքր device, քան apple-watch-ն էր (U.S. Patent Document) :
Ընկերությունն արտոնագրման բազմաթիվ հայտեր է ներկայացրել, և հաճախ ստացել է պատենտներ, առանց տվյալ ապրանքատեսակը օգտատերերին ձեռքը հանձնելու: Բազմաթիվ խելահեղ գանափարներ տարիներով սպասում են իրականացման իրենց հերթին: Այս անգամ ևս, ընկերությունը չի պատրաստվում միանգամից արձագանքել iRing-ը վաճառքի հանելու խնդրանքներին:
Image BlogԵթե այս պատենտը դառնա իրականություն, ապա շուտով մենք, բացի Apple ընկերության առօրյայում կրելի մյուս խելացի իրերից, կունենանք նաև խելացի-մատանի: iRing-ը, որը կապված կլինի ավելի մեծ սարքի հետ, ինչպիսին, օրինակ, հեռախոսն է, tablet-ը կամ համակարգիչը, կարող է օգնել կառավարելու այս մեծ ու երբեմն օգտագործման համար ոչ այդքան հարմար իրերը: Այն կհետևի ձեռքի շարժումներին գրելու ընթացքում, կլսի ձայնային հրամաններ և կկատարի այլ հետաքրքիր գործողություններ: Արտոնագրի համաձայն, մատանին կկրվի ցուցամատի վրա ու կկառավարվի մեծ մատով: Մատանին կարող է ունենալ սենսորային էկրան, կարող է և չունենալ, կախված նրանից, թե Apple-ը դեռ ինչ կորոշի անել նրա հետ:

Ենթադրվում է, որ օգտատերը կկարողանա խոսել իր մատանու հետ` թելադրելով հաղորդագրություններ, ուղարկելով դրանք հեռախոսի կամ այլ սարքի վրա տեքստի, նամակի կամ նշումի տեսքով: Մատանին տեղյակ կպահի նաև ծանուցումների ու այլ ազդանշանների մասին վիբրացիայի միջոցով:
Image BlogՔանի որ արտոնագրում շատ բաներ վերացական են նշված, ապա ընկերությունը մանրամասնում է, որ մեծ հեռախոսները կարող են անհարմար և անարդյունավետ լինել որոշ գործողությունների համար: iRing-ը կատարյալ միջնորդ-օգնական կարող է լինել, երբ ձեռքերը հոգնել են ավելի մեծ device-ները երկար բռնելուց: Եվ, ի վերջո, ամենահետաքրքրականն այն է, որ մատանին կարելի է օգտագործել հեռախոսների ու tablet-ների վրա որոշակի հեռավորությունից աննկատ գործողություններ անելու համար: Պատենտում ասվում է, որ սենսորային էկրանի արձակած լույսը կարող է ոչ-տեղին և նույնիսկ վտանգավոր լինել որոշակի սոցիալական իրավիճակներում, եթե օգտագործողը գտնվում է զբաղեցրած դիրքը կորցնելու սպառնալիքի տակ: Այդ պատճառով էլ կա սենսորային էկրանների կամ tablet-ների հետ ավելի աննկատ, ապահով ու ավելի արդյունավետ եղանակով հաղորդակցվելու անհրաժեշտությունը:

Համակարգչի հետ աշխատելիս մատանին կարող է ծառայել իբրև կոնտրոլլեր կամ, նույնիսկ, իբրև մուկ: Մենք կարող ենք տեսնել, թե ինչպես է մատանին կառավարում smart-տան սարքերը, օրինակ` լույսերը, ավտոտնակի դռները, շերտավարգույրները: Image Blog
Apple-մատանին կարող է նույնիսկ սենսորների միջոցով հետևել ձեռքի շարժումներին, ինչը, տեսականորեն թույլ կտա մատանուն հասկանալ, թե ինչ է գրում կամ փոխանցում օգտատերն իր հեռախոսին կամ tablet-ին: Մատանու կենսաչափական սենսորները կարող են նաև հանդես գալ որպես կրողի համապատասխանությանը հետևողներ և օգտագործվել բջջային վճարումների ժամանակ:
Իհարկե, արտոնագիրը դեռ չի նշանակում, որ ապրանքատեսակն անպայման կարտադրվի և դուրս կգա շուկա: Այն ընդամենը հաստատում է, որ Apple-ի լաբորատորիաներում ստեղծվում են նոր գաղափարներ: Արդյո՞ք կուրախացնի իր երկրպագուներին Apple ընկերությունը iRing-ով, դեռ հարց է:
Image BlogՍակայն, հարկ է նշել, որ այստեղ ինովացիոն հսկան առաջինը չէ. Smart-մատանու գաղափարը հղացել ու նույնիսկ արդեն իրականություն են դարձրել մի քանի ընկերություններ (օրինակ` Ringly կամ Smarty Ringապրանքատեսակները): Իսկ պարզելու համար, թե որքանով են արդյունավետ և հարմար օգտագործման համար շատ ոճային ու նորաձև այս սարքերը, կարելի է նայել այս զավեշտալի հոլովակը:

Share.