Apple-ը գլխավորում է 2016 թ. գլոբալ բռենդերի վարկանիշային աղյուսակը

0

Interbrand-ի կողմից ներկայացված ամենաթարմ վարկանիշային աղյուսակի համաձայն` Apple-ը շարունակում է մնալ ամենամյա գլոբալ բռենդերի ցուցակի առաջատարը: Սակայն, պետք է նշել, որ  Google-ը արագորեն աճելով, մոտենում է նրան, ինչը կարելի է ասել նաև գերմանական մի շարք կազմակերպությունների մասին:

2016 թ-ի Լավագույն Գլոբալ Բռենդերի ցուցակում Interbrand-ն ամերիկյան տեխնոլոգիական գիգանտ Apple-ն անվանում է  աշխարհի ամենաբարձր արժեք ունեցող կազմակերպություն, որի բռենդի արժեքը կազմում է ավելի քան 178 միլիարդ դոլար (159միլիարդ Եվրո):

Apple-ին հաջորդում է Google -ը իր 133 միլիարդ Եվրո արժողությամբ բռենդով` գրանցելով 11 տոկոսանոց աճ:

Վարկանիշային աղյուսակի առաջատարների ցուցակը  շարունակում են Coca Cola-ն` երրորդ տեղով, այնուհետև գալիս են`Microsoft-ը, Toyota-ն, IBM-ը, Samsung-ը, Amazon-ը, Mercedes-ը և General Electric-ը:

Գերմանական Mercedes-ը իր բռենդի արժեքի 18 տոկոսանոց աճի շնորհիվ վերադարձել է թոփ տասնյակ` գրավելով իններորդ հորիզոնականը, մինչդեռ BMW-ն գտնվում է 11-րդ տեղում` գրանցելով 12 տոկոսանոց աճ:

Ըստ Interbrand-ի`մեքենաշինական և տեխնոլոգիական կազմակերպությունները 2016 թ. ի վարկանիշային աղյուսակում առաջատար են հանդիսանում: Դրանց հաջորդում են առևտրային կազմակերպությունները, այնուհետև`սպորտային և  luxury սեկտորները:

Իր ամենամյա հաշվետվության համար Interbrand-ը մանրամասն ուսումնասիրել է կազմակերպությունների ընդհանուր ֆինանսական գործունեությունը և գնահատել դրանց բռենդերի ազդեցությունը հաճախորդների ընտրության և գնագոյացման վրա:

Share.