Apple Watch-ի մասին, comments :)

0

Apple-ժամացույցը Apple-ի նոր բրենդային արտադրանքն է: Այս ժամացույցը, ինչ որ իմաստով, ձեռքի կապիչով super-iPod-ի նոր տեսակն է: Այն նաև սիմբիոտիկ iPhone ուղեկից է և ֆիթնես սարք:Այն նաև տանում է դեպի smart-ժամացույցների «ծովը», որտեղ շատ արտադրողներ «նավարկում» են շնորհիվ հավակնոտ գնորդների: Քիչ արտադրողներ են այստեղ հաջողության հասել: Արդյո՞ք կարող է Apple-ժամացույցը հաջողության հասնել այնտեղ, որտեղ մյուսները ձախողել են:

Apple-ժամացույցը 3 տարբեր մոդելներ ունի, 2 տարբեր չափեր և փոփոխվող կապերի 6 տարբեր խմբեր, իսկ գները համաշխարհային շուկայում տատանվում են $349 մինչև $17,000: Այն նախագծված է դառնալու Apple-ի ամենաանձնական արտադրանքը. այն նույնքան մոդայիկ է, որքան տեխնոլոգիական: Տարիներ շարունակ Apple-ի արտադրատեսակները մոդայիկ են եղել, սակայն հիմա Apple-ն ուզում է, որ այդ ժամացուցները վերափոխվեն զարդերի: Smart-ժամացուցները մի օր կարող են դառնալ հեռախոսների ապագան կամ վերաճեն մի շարք հարակից սարքերի: Սակայն, այս պահին, նրանք գործառնում են իբրև հեռախոսի աքսեսուարներ:

Apple-ը նախագծել է ժամացույցը, որպեսզի մենք ավելի քիչ նայենք մեր հեռախոսներին: Այն կարելի է անվանել Apple-ի բազմապիսի էկրանների տարատեսակության մեջ փոքր էկրաններից ամենափոքրը: Այն երբեմն օգտագործում են հեռախոսի փոխարեն, սակայն հետո էլի վերադառնում հեռախոսին: Մի՞թե այն փոխում է մեր վարքագիծը: Այդ մասին խոսելը դեռ վաղ է, սակայն հնարավոր:

Ինչպես և մյուս smart-ժամացույցները, Apple-ժամացույցը ինքնուրույն սարքավորում չէ, այն հեռախոսի աքսեսուար է: Android Wear, Samsung Gear, Pebble և մյուսներն աշխատում են նույն կերպ: Այս պարագոյում պետք է ունենալ iPhone 5 կամ ավելին ժամացույցն օգտագործելու համար: Apple-ժամացույցի մի քանի ֆունկցիաներ աշխատում են հեռախոսից անկախ, բայց ժամացույցը հիմնականում աշխատում է հեռախոսի հետ իբրև նրա հավելում, երկրորդ էկրան և հիմնականում որպես կրողի iOS փորձառնության մեկ այլ մաս:

Հաղորդակցումը, ֆիթնեսը, ինֆորմացիան, ժամանակը. սրանք են Apple-ժամացույցի հիմնական ֆունկցիաները, բայց Ժամացույցն աներևակայելի հավակնոտ է, համալրված բազմաթիվ առանձնահատկություններով ու հավելվածներով: Փակագծերում կարելի է ասել, որ այն հիշեցնում է Samsung-ի հավակնոտ Gear smart-ժամացույցները, բայց ավելի լիարժեք լուծումներով:

Apple-ժամացույցը ստանում, ուղարկում է և նույնիսկ թույլ է տալիս թելադրել հաղորդագրություններ, բարձրախոսով զանգել, ազդարարում է անիմացիոն սմայլիկներով, «սեր է տալիս» մեծ-տարածության վրա կամ ուղարկում է կրողի սրտի բաբախյունն իբրև տարածության վրա գրկախառնության տեսակ: Այն հետևում է օգտատիրոջ քայլերին, վազքի քայլաչափերին ու ցուցադրում սրտի աշխատանքը: Apple-ժամացույցը կարելի է օգտագործել նույնիսկ wireless Bluetooth ականջակալներով երաժշտություն լսելու համար: Կարելի է երգեր լսել ինչպես iPod-ով, ծանուցումներ ստանալ և հավելվածներ աշխատեցնել mini iPhone-ի նման, կարելի է նաև վճարումներ անել Apple Pay-ով: Այն ունի բոլորովին նոր, երբևէ չտեսնված ուժակայուն դիսփլեյ: Եվ այս ամենի վերջում կարելի է ասել, որ այո՛, նա ցույց է տալիս ժամանակը:

Արտաքին տեսքի մասին կարելի է ասել, որ, երբ հեռվից ես նայում Apple-ժամացույցին, իր ուղղանկյուն պարզության մեջ այն շատ անշուք է թվում համարձակ, շրջանաձեւ Android Wear ժամացույցների համեմատ: Ակնհայտորեն սա iPod Nano-ի թարմացված տարբերակն է: Բայց, մոտենալով մենք կարող ենք տեսնել գերազանց հարթ կառուցվածք: Apple-ժամացույցը մի փոքր կարճ և հաստ է թվում Apple-ի կայուն գեր-բարակ գաջեթների համեմատ, բայց այն մեծ չի դիտվում դաստակի վրա: Մեծ 42մմ-անոց տարբերակն ունի նույն երկարությունը, բարձրությունն ու լայնությունը, ինչ որ Pebble Steel-ի ամենափոքր smart-ժամացույցներից մեկը: 38մմ-անոց տարբերակը նույնիսկ ավելի փոքր է: Apple-ժամացույցի կոր-ուղղանկյուն ձևը բևեռացնում է կարծիքները. ոմանք դա համարում են հրաշալի, մյուսները՝ space-age iPod-ի տեսակ: Ոմանց զայրացնում է նրա ոչ-շրջանաջև, ոչ-բարակ լինելը: Ոմանք չեն հավանում կոր ապակին (կամ սափֆիրի բյուրեղը), որը ծածկում է անկյունները և նմանեցնում այն քերծված մագնիսի:

Թվային կարգավորիչը (Digital Crown), ժամացույցի ինտերֆեյսի` Apple-ի մասնագիտացված ձևը (Apple’s specialized way of interfacing with the watch) տեղադրված է կողքին, և դիտվում է իբրև ժամացույցի մաս, ինչը կարելի էր տեսնել հին ժամացույցների վրա: Սակայն, այս դեպքում, կարգավորիչը պտտվող փոքրիկ անիվ է: Վերջինս կարելի է սեղմել կամ պտտել, և այն շարժվում է սահուն ու գեղեցիկ: Երկրորդ, ստորին կոճակը սիրելի կոնտակտները բացելու կամ կրկնակի սեղմումով Apple Pay-ն աշխատացնելու համար է: Նավիգացիոն գործողությունները հիմնականում իրականացվում են էկրանին հպումներով, իսկ պտտող փոքրիկ անիվը կարող է օգտագործվել որոշ նավիգացիոն գործողությունների համար որոշ հավելվածներում, կամ “zoom” -ին անցնելու համար:

Բոլոր Apple-ժամացույցներն ունեն S1 պրոցեսոր, “Taptic” haptic շարժիչ և ուժակայուն ու շատ պայծառ OLED դիսփլեյ, որը տարբեր կերպ է չափված 38մմ և 42մմ մոդելների համար: Ժամացույցն ունի իր սեփական աքսելերոմետրը, գիրոմետրը և սրտի աշխատանքը ցույց տվող մոնիտոր, բայց չունի ներկառուցված GPS: Հեռախոսին կամ տան ցանցին միանալու համար այն օգտագործում է 4.0 Bluetooth և 802.11b/g/n 2.4GHz Wi-Fi: Ժամացույցն ունի ներկառուցված խոսափող ու բարձրախոս, բայց չունի ականջակալների համար նախատեսված բնիկ:

Վերջում կարելի է նշել, որ ժամացույցը գեղեցիկ է, խոստումնալից, և ամենահավակնոտ կրելու իրն է, որ գոյություն ունի: Բայց, առաջին սերնդի արտադրության մեջ փորձելով ներառել ամեն ինչ, Apple-ժամացույցը հեռու է կատարյալ լինելուց: Այն թույլ է տալիս ցանկանալ ավելին: Մյուս ժամացույցների համեմատ մարտկոցի կարճ կյանքը և բարձր գները ամենախոցելի տեղերն են այս պահին: Սակայն Apple-ը նոր է «ճամփա ընկել» ու դեռ երկար ճանապարհ ունի անցնելու:

Մեկ անգամ ևս նշենք, որ այս ժամացունցները iPhone-ի կարիքն ունեն նշված գործողություններից շատերն իրականացնելու համար: Այն նաև կարիք ունի լինելու Bluetooth տիրույթում (30 ոտնաչափ), կամ հնարավոր է միացնել Wi-Fi-ով՝ տիրույթն ավելի ընդլայնելու համար:

Share.