Apple Watch-ը ստուգում է Ձեր սրտի աշխատանքը և կանխում կաթվածքները

0

Apple ժամացույցի Kardia Band-ը անցնում է առաջ առողջության վերաբերյալ սովորական հավելվածներից՝ ներկայացնելով իսկական բժշկական տեխնոլոգիա:

Կրելու տեխնոլոգիաներ արտադրողների (wearable manufacturers) շրջանում տարածված է առողջությանը հետևելու և ֆիթնեսի համար նախատեսված սարքերի մշակումը. Apple Watch-ը այս անգամ ներկայանում է բժշկական էլեկտրակարդիոգրամայով (ECG):

Kardia-band

AliveCor-ը արդեն պատրաստել է ECG աքսեսուար հեռախոսների համար և այժմ առաջարկում է այդ տեխնոլոգիան Apple Watch-ի համար:

Kardia Band-ը իրենից ներկայացնում է գոտի Apple Watch-ի համար: Ուշագրավը դրանում ներդրված բժշկական էլեկտրակարդիոգրամայի սարքն է: Kardia Band-ը գրանցում է Ձեր սրտի աշխատանքը՝ օգտագործելով սենսոր, մինչդեռ ժամանակակից սարքերի մեծ մասը դա անում են LED-ի միջոցով:

LED լույսը հետևում է Ձեր մազանոթների աշխատանքին, այնուհետև չափում արյան հոսքի արագությունը: Համաձայն CNET-ի՝ այդ մեթոդը արդյունավետ է սրտի հանգիստ աշխատանքը գրանցելու պարագայում, սակայն ոչ՝ երբ Ձեր սիրտն արագ է աշխատում:

apple_watch_kardia-640x629Եվ ահա այստեղ է արտահայտվում Kardia Band-ի առավելությունը: Այն ոչ միայն գրանցում է Ձեր սրտի աշխատանքը, այլ նաև հաղորդակցվում է Kardia հավելվածի հետ, որը վերլուծում է Ձեր տվյալները ալգորիթմի միջոցով, որպեսզի հայտնաբերի նախասրտային ֆիբրիլյացիայի առկայություն, ինչը ավելի պարզ լեզվով նշանակում է սրտի անկանոն աշխատանք, որն էլ կարող է կաթվածի պատճառ հանդիսանալ:

Kardia հավելվածը կահազանգի, երբ է Ձեր սրտի աշխատանքը նորմալ, երբ՝ ոչ, իսկ Դուք կարող եք դրան գումարել ձայնային ազդանշան, որի նպատակն է թույլ տալ բժիշկներին կամ Ձեր խնամակալին տեղյակ լինել, օրինակ, որ տվյալ պահին հաճախասրտության պատճառը մի բաժակ սուրճն էր, այլ ոչ՝ ավելի լուրջ բան: Kardia-ն այդ ինֆորմացիան հասանելի կդարձնի Ձեր բժշկին, ինչպես որ արդեն աշխատում է AliveCor-ը

Ներկա պահին հայտնի չէ, թե ինչ արժեք կունենա սարքը, սակայն ակնհայտ է, որ AliveCor-ը մեծ հույսեր է կապում  Kardia Band-ի հետ, քանի որ փոխում է իր AliveCor Mobile ECG անվանումը Kardia Mobile-ի:

Share.