Apple-ը կստեղծի առաջին ջրակայուն ստեղնաշարը

0

2015 թվականին Apple-ը ներկայացրեց նոթբուքներ, որոնք համալրված էին նոր տեսակի ստեղնաշարով, որը կոչվում էր «թիթեռ»։ Այս տեխնոլոգիայի շնորհիվ էապես բարելավել էր հպման ճշգրտությունը և նվազել աղմուկը տեքստ հավաքելիս։ 2016-ին ընկերությունը թողարկեց նույն ստեղնաշարի փոքր-ինչ բարելաված տարբերակը, սակայն այս նոր մոդելը նույնպես չէր լուծում առաջին հայացքից անլուծելի թվացող խնդիրը՝ մանր աղբի և փոշու հայտնվելը ստեղնաշարի տակ։

Այս տարի ընկերությունը ներկայացրել է հատուկ տեխնոլոգիա, որը կպաշտպանի ստեղնաշարը հեղուկից, աղբից և փոշուց:  Այսպիով, իր նոր տեխնոլոգիայով Apple-ը խոստանում է կանխել վերը նշված խնդիրը։

6zdo07e0.800xautoՆերկայացված գծագրերից պարզ է դառնում, որ Apple-ը իր նոր սերնդի MacBook-երի համար մշակում է նոր ստեղնաշար, որը կլինի ոչ միայն ջրակայուն, այլ նաև պաշտպանված փոշու ու աղբի ներթափանցումից։ Ինչպես գիտեք, հեղուկի, փոշու և այլ մանր մարմինների ներթափանցումը՝ ստեղնաշարի տակ կարող է բացասական ազդեցություն ունենալ և լուրջ վնասներ հասցնել մեխանիզմին՝ նպաստելով տեխնիկայի՝ ժամանակից շուտ շարքից դուրս գալուն:

Apple-ը առաջարկում խնդրի լուծման մի քանի տարբերակ: Դրանցից մեկը այն է, որ նոր Macbook-երի ստեղնաշարերի յուրաքանչյուր ստեղնը համարված կլինի հատուկ նյութից պատրաստված պաշտպանական թաղանթով, որը կկանխի օտար մարմինները ներթափանցումը։ Իսկ մյուս տարբերակի համաձայն՝ յուրաքանչյուր ստեղնի տակ կլինեն ներդրված ճկուն շերտ, որը չի թողնի, որ ստեղների արանքում փոշի կամ փշրանքներ հավաքվեն։

Իր նոր տեխնոլոգիայով ընկերությունը փորձել է լուծել նաև նոթբուքի վրա թափված ջրի խնդիրը։ Ահա, թե ինչպես է կանխվելու հեղուկի ներթափանցումը։ Թափված հեղուկը կպահպանվի փոքր «խցիկում», որը առանձնացնում է սաքրի մեխանիզմը ստեղնաշարից: Հեղուկը հեռացնելու համար, պարզապես, անհրաժեշտ է սրբել ստեղնաշարը հասարակ չոր կտորով:

Նշենք նաև Apple-ը արդեն իսկ հասցրել է արտոնագրել իր գյուտը և նոր սերնդի համակարգչի նախագիծը։

Մասնագետների կարծիքով, Apple-ը ընկերությունը, իհարկե, գրանցել և հաստատել է նոր համակարգչի նախագիծը, սակայն, այնուամենայնիվ, հավանականությունը քիչ է, որ այս տեխնոլոգիան կհայտնվի MacBook-ների սպասվող սերնդի մոդելներում։ Այնպես, որ MacBook-ի սիրահարները ստիպված կլինի սպասել մի փոքր ավելին, որպեսզի թարմացնեն իրենց սարքերը։

lav925s7.800xauto

Share.