Apple-ի գերնպատակն է վերացնել թխթադրամները մեկընդմիշտ

0

Ու՞մ է այլևս անհրաժեշտ կանխիկ գումար։

Apple-ի գլխավոր տնօրեն Թիմ Քուքը ցանկանում է ապագայում վերացնել կանխիկ գումարը։ «Apple Pay-ը կարող է հանդիսանալ խթանիչ ուժ, որը, ի վերջո, կտանի աշխարհը դեպի թվային վճարումներ», – ասել է Քուքը երկուշաբթի օրը կայացած հարցազրույցի ընթացքում։

«Մենք ցանկանում ենք դառնալ այն խթանը, որը դուրս կմղի կանխկիկ գումարը վ-վճարային համակարգից», – ասել է Քուքը և ավելացրել․«Մենք չենք կարծում, որ սպառողին դուր է գալիս կանխիկը»։

Apple-ը մեկնարկել է Apple Pay-ը (թվային վճարման ծառայություն) 2014 թվականին։ Օգտատերերը, ովքեր ունեն կրեդիտ քարտեր, դեբետ քարտեր և նվեր քարտեր կարող են վճարել խանութների դրամարկղերում iPhone-ի միջոցով՝ պարզապես պահելով այն տերմինալի վրա։ Կանխիկ գումար կամ բանկային քարտ փնտրելը արդեն ավելորդ գործողություն է: Բջջային վճարումների շարքում Apple Pay-ի գլխավոր մրցակիցներն են Samsung-ը և Google-ը:

Սկզբանական շրջանում Apple-ի գերխնդիրն էր, որ բանկերը և մանրածախ առևտրի կետերը միանան այս ծառայությանը: Սակայն վերջին երկու տարիների ընթացքում, Apple-ը հավաքագրել է մի շարք նոր բանկեր, խանութներ և բանկոմատային կետեր: Վերջերս, Apple-ը հայտարարեց, որ Apple Pay-ը կաշխատի FeliCa-ի հետ, որը բջջային վճարումների ստանդարտ է Ճապոնիայում։

Իհարկե, դեռևս պարզ չէ, թե ինչպես է Apple-ը պատրաստում հասնել Քուքի նպատակին և վերացնել կանխիկ վճարումները։ Մինչ սմարթֆոնները և վճրային տերմինալները լայն տարածում ունեն ԱՄՆ – ում, շատ այլ երկրներում դրանք համատարած չեն և նույնիսկ բացակայում են: Բացի այդ Apple Pay-ը համատեղելի է միայն Apple-ի սեփական արտադրանքների հետ, ինչը նշանակում է, որ ավելի քան մեկ միլիարդ Android-ի օգտատերեր ամբողջ աշխարհում կմնան բախտի քմահաճույքին։ Իսկ ի՞նչ վերաբերվում է մարդկանց, որոնք չունեն սմաթֆոններ կամ օգտվում են այլ օպերացիոն համակարգերից։

Հետևաբար, այն գաղափարը, որ Apple Pay-ը կարող է փոխարինել կանխիկ գումարը մոտ ապագայում, կարծես թե քիչ հավանական է: Նույնիսկ եթե Apple-ը բջջային վճարումներ առաջորկող ընկերություններից մեկն է, շատ ավելի հավանական է, որ իր առաջին զոհերը դառնան կրեդիտային և դեբետային քարտերը, այլ ոչ թե քեշը։

Այդուհանդերձ, Քուքը հույսեր ունի, որ <առանց կանխիկ> ապագան մոտ է և կարծում է, որ Apple Pay-ը կարող է դառնալ Apple ընկերության հիմնական մասը։

Share.