Ո՞րն է արհեստական ինտելեկտի գլխավոր վտանգը։

0

 

21-րդ դարում արհեստական ինտելեկտը հեղեղել է ամբողջ աշխարհը։

Այսօր մեզ ամենուր շրջապատում են խելացի սարքավորումներ, սակայն դեռևս չկա հստակ պատկերացում, թե ինչ տեսակի արհեստական ինտելեկտ կստեղծի մարդկությունը ապագայում և ինչքանով այն անվտանգ կլինի։

Ի՞նչ կարելի է սպասել այս տեմպերով զարգացող տեխնոլոգիաներից և ո՞րն է արհեստական ինտելեկտի ներկայացրած գլխավոր վտանգը։ Այս հարցերի պատասխանը փորձել է տալ պրոֆեսոր Վենդել Վալլահը։

Արհեստական բանականությունը որպես տեխնոլոգիա ինքնին սպառնալիք չի ներկայացնում, վտանգը կապված է այն բանի հետ, թե ինչպես մարդը կօգտագործի ստեղծվող տեխնոլոգիաները: Այս կարծիքին է ԱՄՆ-ի Յեյլի համալսարանի Կենսաէթիկայի միջդիսցիպլինար կենտրոնի պրոֆեսոր՝ Վենդել Վալլահը։

Արհեստական ինտելեկտին նվիրված համաժողովի շրջանակներում՝ պրոֆեսոր Վալլահը, քննարկելով արհեստական բանականության հետ առնչվող հարցերը իր զրույցի ընթացքում նշել է։ «Բանն այն չէ, որ արհեստական ինտելեկտը, որը մարդկությունը կստեղծի հաջորդ 20 տարում, ինչ-որ վախեցնող բան է ներկայացնում: Երբեմն վախեցնում է մարդն ինքը և այն, թե ինչպես նար կկիրառի ստեղծված նոր տեխնոլոգիան»

Այնուհետև մեկնաբանել է, որ տեխնոլոգիաները կարող են վտանգավոր դառնալ, եթե որևէ մեկը ցանկանա դրանք օգտագործել մարդկանց զգացմունքներն ու պահվածքը մանիպուլյացիայի ենթարկելու նպատակով։

«Պատկերացրեք, թե ինչ կլիներ, եթե մենք ունենանք այնպիսի սենսորներ, որոնք գիտեն՝ երբ ենք վախ զգում կամ երբ ենք առավել խոցելի։ Ինձ համար ամենասարսափելին արհեստական բանականությունը լրտեսման նպատակով կիրառելն է։ Բացի այդ, ի՞նչ կլիներ, եթե արհեստական ինտելեկտը կառավարեր մահաբեր զենքերը։ Դա սարսափելի է, բայց մենք այդ ամենն անելու կարիքը չունենք»,- պարզաբանում է գիտնականը։

Գիտնականը եզրափակել է զրույցը՝ ասելով, որ ապագայում տեխնոլոգիաները մարդկությանը ավելի շատ օգուտ կբերեն, քան վտանգ կներկայացնեն։

«Նման տեխնոլոգիաների ստեղծման բարդությունը կայանում է նրանում, որպեսզի հասարակության համար անցանկալի հետևանքները հասցվեն նվազագույնին»,- ասել է Վալլահը։

Share.