Ինչպե՞ս է NASA-ն վերացնելու Երկրի վրա շարժվող աստերոիդը

0

Nasa-ն պատրաստվում է ոչնչացնել Երկրի վրա շարժվող աստերոիդը՝ կրակելով դրա վրա, որպեսզի փրկի մոլորակը: Հենց այսպիսին է լինելու DART առաքելության ֆունկցիան, որը ներկայումս գտնվում է փորձարկման փուլում:

<<DART-ը կլինի NASA-ի առաջին նմանատիպ փորձը հարվածելու աստերոիդին, որպեսզի այն դուրս գա իր ուղեծրից>> – հայտնում է NASA-ի ներկայացուցիչ Լինդլի Ջոնսոնը: Նա նաև նշում է, որ դա հսկայական քայլ է աստերոիդներից մոլորակին սպառնացող վտանգի հաղթահարման տեսանկյունից:

maxresdefault (1)

DART-ի թիրախը լինելու է 2022 թ-ին Երկիր մոլորակի կողքով անցնող աստերոիդը, որը վերադառնալու է երկու տարի անց: Ավելի կոնկրետ՝ դրանք լինելու են երկու աստերոիդներ՝ Didymos B կոչվող մեծ ու փոքր կտորներից բաղկացած ժայռաբեկորները:

Nasa-ն փորձելու է հարված հասցնել դրանցից փոքրին, որից հետո գիտնականները պետք է ուսումնասիրեն, թե որքան ճշգրտությամբ և արդյունավետությամբ է կատարվել աշխատանքը:

Այս փորձը թույլ կտա հետագայում Երկիր մոլորակին սպառնացող աստերոիդների ոչնչացման հարցում հաջողությամբ հանդես գալ: Առաքելության կարևորությունը կայանում է նաև նրանում, որ ներկայումս գիտնականներին հայտնի չէ, թե իրականում ինչից են կազմված այդ երկնային մարմինները և ինչ ուժգնության հարված է հարկավոր դրանք վերացնելու համար, իսկ DART-ը թույլ կտա հարցերի համար պատասխաններ ստանալ:

Գիտնականները մշտապես հետևում են աստերոիդների շարժին դեպի մեր մոլորակ, սակայն դրանց հիմնական մասը այնքան փոքր են, որ այրվում են՝ հայտնվելով մթնոլորտվում: Այնուամենայնիվ, վտանգավոր աստերոիդների սպառնալիքը, իրականում ևս առկա է, և հենց այդ իսկ պատճառով  Nasa-ն անցյալ տարի հիմնադրել է Planetary Defense Coordination Office (PDCO)-ը, որը զբաղվում է Երկիր մոլորակը աստերոիդներից պաշտպանելու փորձերով:

Share.