ASUS-ը ներկայացրել է պտտվող տեսախցիկով Zenfone 6 ֆլագմանը։

0

ASUS ընկերությունը պաշտոնապես ներկայացրել է առադեմ նոր Zenfone 6 սմարթֆոնը, որը հագեցած է հիմնական երկակի տեսախցիկով, որի մոդուլը կարող է պտտվել տարբեր ուղղություններով:

Այն հնարավորություն է տալիս նկարահանել ինչպես սովորական լուսանկարներ, այնպես էլ սելֆիներ:

Փակված վիճակում Zenfone 6 տեսախցիկը գտնվում է կորպուսի հետևի հատվածում, սակայն հատուկ տեխնոլոգիայի օգնությամբ մոդուլը կարող է պտտվել 180°-ով և հայտնվել հակառակ կողմում`դառնալով սելֆիների համար նախատեսված առջևի տեսախցիկ:

Տեսախցիկը ունի երկու սենսոր․մեկը` Sony IMX586-ը՝ 48 մեգապիքսել, իսկ երկրորդը`13 մեգապիքսել հզորությամբ լայն անկյուն:

Նորույթը ունի 6,4-դյույմանոց (2340 x 1080 պիքսել) էկրան, իսկ ստորին շրջանակը մի փոքր ավելի հաստ է։ Ընդհանուր առմամբ, էկրանը զբաղեցնում է սմարթֆոնի 92%-ը: Մատնահետքի ճանաչման սենսորը գտնվում է սմարթֆոնի հետևի հատվածում։

Նշենք, նաև որ նոր սմարթֆոնը հագեցած է 5000 մԱ հզորությամբ մարտկոցով, որը ինչպես խոստանում է ընկերությունը, պետք է մեկ լիցքով ապահովի սմարթֆոնի աշխատանքը երկու օր շարունակ:

Բացի այդ սմարթֆոնը ունի արագ լիցքավորման տեխնոլոգիա, սակայն, ցավոք մարտկոցի անլար լիցքավորման գործառույթը այստեղ բացակայում է։ Ւնչը շատ տարօրինակ է 2019 թվականին թողարկված սմարթֆոնի համար։

Սմարթֆոնը աշխատում է գերհզոր 8 միջուկանի Snapdragon 855 պրոցեսորով, 2.8 ԳՀց հաճախականությամբ:

Սմարթֆոնը հասանելի մի քանի տարբեր կոնֆիգուրացիաներով, սակայն սարքի առավելագույն կոնֆիգուրացիան՝ 8 ԳԲ RAM և 256 GB ներքին հիշողություն է:

Նորույթը հասանելի կլինի նախապատվերների համար արդեն իսկ մայիսի 23-ից, իսկ արժեքը կախված սմարթֆոնի կոնֆիգուրացիայից և մոդելից կտատանվի մոտավորապես 700-ից 1000 ԱՄՆ դոլլարի սահամններում։

Share.