Atlas մարդանման ռոբոտը սովորել է վազել

0

Boston Dynamics-ը, համագործակցելով Պենտագոնի հետազոտությունների և մշակումների գործակալության՝ DARPA-ի հետ, տարիներ շարունակ զբաղվում է ռազմական ռոբոտների մշակմամբ: Իսկ օրեր առաջ ամերիկյան ընկերությունը հրապարակել է մի տեսանյութ, որտեղ երկու ոտք ունեցող մարդանման ռոբոտը քայլում է տարատեսակ մակերևույթների վրայով, ինչպես նաև հաղթահարում բնական խոչընդոտները։

Atlas «Ատլաս» անվանումը ստացած ռոբոտն առանց օգնության կարող է վազել անհավասար, լեռնանտառային տեղանքով, հայտնաբերել ճանապարհի խոչընդոտները և ցատկել դրանց վրայով։ Այս ամենը ուշագրավ է նրանով, որ մինչ օրս վազել և հավասարակշռությունը պահել կարողանում էին միայն չորսոտանի ռոբոտ-շները։

Երկոտանի հումանոիդ ռոբոտի մշակումը սկսվել է դեռևս 2013 թվականի հուլիսից և վերջին մի քանի տարիների ընթացքում անցել է երկար ճանապարհ է: 2017 թվականի նոյեմբերին Boston Dynamics-ի կողմից հրապարակված տեսանյութում Atlas-ը արդեն իսկ հաջողությամբ կատարում էր սալտո, սակայն այժմ ռոբոտը ոչ միան ավելի կայուն է իր շարժումներում, այլև նոր հնարքներ է սովորել: Ներկայումս, ռոբոտը կշռում է 150 կգ, իսկ հասակը՝ 1.8 սմ է։ Այն համալրված է ճկուն վերջույթներով, ստերեո տեսախցիկներով և հեռաչափով։ Ինչպես պնդում է ռոբոտը նախագծող ինժեներները Atlas-ը ստեղծվել է մարդկանց փրկարարական գործողությունների ընթացքում օգնելու, ինչպես նաև տրանսպորտային միջոցները կառավարելու համար։

Նշենք նաև, որ ռոբոտների ավելի հին մոդելները, «ձեռքերի» օգնությամբ կարող էին ծանրակշիռ բեռներ տեղափոխել կամ մագլցել ուղղահայաց մակերևույթներով: Վերջիններս նախագծված էին ամերիկայն ծավային հետևակներին մարտական պայմաններում տարատեսակ սարքավորումներ և զինամթերք մատակարարելու համար։

Հիշեցնենք, որ ավելի վաղ Boston Dynamics ընկերությունը ներկայացրել էր SpotMini կոչված ռոբոտի թարմեցված մոդելը, որն, օգտվելով ինքնավար նավիգացիայից, կարողանում է ինքնուրույն քայլել և, նույնիսկ, դուռ բացել մեկ այլ ռոբոտի համար:

 

Share.