Դուբայում այս ամառ կգործարկվի ինքնակառավարվող թռչող տաքսի

0

CES 2016-ի ժամանակ աղմուկ հանած նորարարությունը՝ 184 անվանումով յուրօրինակ փոխադրամիջոցը պատրաստ է այս ամառ Դուբայում ուղևորներ տեղափոխելու:

Չինական EHang կազմակերպության կողմից ստեղծված մեքենան ստացել է իր 184 անվանումը, քանի որ ունի 1 ուղևորի տեղ, 8 պրոպելլեր և 4 թևեր: Ընդ որում՝ տրամաբանական կլիներ նաև 0-ի առկայությունը, քանի որ փոխադրամիջոցը չունի օդաչու:

Թռչող մեքենայից օգտվելու համար ուղևորից չի պահանջում որևէ հատուկ գիտելիքներ կամ հնարքներ: Պարզապես, պետք է նստել, թվային քարտեզի վրա ընտրել երթուղին, և վերջապես, հարմարավետ տեղավորվելով, վայելել տեսարանը:

184- ն ունի 1.5 մ բարձրություն և կշռում է մոտ 200 կգ: Այն աշխատում է մարտկոցով և կարող է թռնել շուրջ 30 րոպե 100 կմ/ժ միջին արագությամբ:

ces-2016-4000x2235-ehang-184-flying-machine-drone-8354

Կազմակերպության CEO Հաուզի Հուի խոսքերով՝ իրենց նպատակն է մարդկանց համար ապահովել ավելի արագ, հեշտ ու հարմարավետ թռիչք քան երբևէ:

Սակայն միայն Դուբայը չէ, ուր 184-ը նախատեսվում է գործարկել: 2016 թ.-ի մայիսին Նևադայի իշխանությունները ևս հավանություն են տվել թռչող փոխադրամիջոցի նախագծին:

Այսպիսով, շատ շուտով մենք կարող ենք ականատես լինել Լաս Վեգասի կամ Բուրջ Խալիֆայի վրայով սավառնող տաքսիների:

Share.