Ինչո՞ւ չի կարելի հեռախոսը տանել լոգարան

0

Կան երկու տեսակի մարդիկ՝ նրանք, ովքեր օգտագործում են իրենց հեռախոսը լոգարանում և նրանք, ովքեր որ ստում են՝ ասելով, որ չեն անում դա:

Խոստովանե՛ք, չէ՞ որ Դուք էլ եք հաճախ վերցնում հեռախոսը Ձեզ հետ, օրինակ ատամները լվանալիս կամ լոգանք ընդունելիս: Շատերն անգամ չեն բաժանվում իրենց սիրելի սարքերից զուգարանից օգտվելիս:

Սակայն, ահա թե ինչ է պետք հաշվի առնել մինչ նման կերպ վարվելը՝

Հիգիենիկ գործողություններ կատարելու համար նախատեսված պարագաները, ինչպիսիք են լոգախցիկը կամ լվացարանը, հանդիսանում են թակարդներ Ձեր սարքերի համար: Մեկ անգամ թրջվելով՝ թանկարժեք սմարթֆոնը այլևս չի կարող լիարժեք աշխատել:

Բացի այդ պատկերացնո՞ւմ եք արդյոք որքան մանրէներ կան լոգարանում կամ զուգարանում: Տանելով Ձեր սարքն այնտեղ՝՝ Դուք վարակում եք այն այդ բակտերիաներով, այնուհետև օգտվում սարքից օրինակ՝ ճաշելու ընթացքում: Չէ՞ որ օրվա մեջ լվանում եք Ձեր ձեռքերը մի քանի անգամ, սակայն դժվար թե նույն հաճախականությամբ մաքրեք Ձեր էլեկտրական սարքերը:

19_signs_phone_bathroom_reader_monkeybusinessimages

Ի վերջո, պետք է հաշվի առնել, որ շատ դեպքերում սարքերը խոնավություն պարունակող սենյակ տանելը կարող է վտանգավոր լինել: Շատերին են հայտնի դեպքեր, երբ հեռախոսի պայթյունի պատճառով բռնկվել են հրդեհներ, տուժել մարդիկ: Հատկապես, պետք է ձերծ մնալ հեռախոսը լոգասենյակում կամ խոհանոցում լիցքավորման միացնելուց:

Share.