Bentley-ն ներկայացրել է հիբրիդային շքեղ Bentayga-ն

0

Ժնևի միջազգային ավտոսրահի շրջանակում, որտեղ տասնյակ մեքենաշինական ընկերություններ ցուցադրեցին իրենց նորույթները, լյուքս դասի բրիտանական ավտոարտադրող Bentley Motors-ը միջոցառման ընթացքում ներկայացրեց իր նոր Bentayga Hybrid ավտոմեքենան։

Կարելի է ասել, որ այս մոդելը Bentley ընկերության՝ դեպի էլեկտրական մեքենաների ապագա տանող առաջին քայլն է:

Մեքենան համադրում է անհավանական շքեղությունը, սպարտային բնույթը, գերազանց արտաճանապարհային բնութագիրը և ամենօրյա օգտագործման հարմարավետությունը։

Նորույթի մասին բոլոր մանրամասները դեռևս հայտնի չեն։ Հայտնի է, որ մեքենան համալրված է բենզինային 3.0 լիտրանաց Turbo V6 շարժիչով։ Վերջինս զուգակցվում է էլեկտրական շարժիչի հետ, որը ծայառում է նաև որպես գեներատոր։

Bentley Bentayga Hybrid-ը  մեկ էլեկտրական լիցքավորմամբ կարող է անցնել մոտ 50 կմ հեռավորություն: Մեքենայի ամբողջական լիցքավորման համար անհրաժեշտ է 7.5 ժամ, իսկ արագ լիցքավորման համար նախատեսված հատուկ մարտկոց օգտագործելու դեպքում լիցքավորման ժամանակը կարող է կրճատվել մինչև 2.5 ժամ:
Ինչպես հավաստում են աղբյուրները՝ վարորդին կտրվի ընտրության հնարավորություն։ Վերջինս կարող է ընտրել վարման երեք ռեժիմից որևէ մեկը՝ EV Drive, Hybrid Mode և Hold Mode։ Բացի այդ, սեփականատերերը կկարողանան վերահսկել մեքենայի որոշ գործառույթներ հեռակա կարգով` օգտագործելով հատուկ բջջային հավելված:

Դիզայնի տեսանկյունից և արտաքին տեսքից, ինչպես տեսնում եք ինքներդ, նոր Bentley Bentayga Hybrid-ն գրեթե չի տարբերվում իրեն նախորդող մոդելներից։

Մեքենայի գնի վերաբերյալ տեղեկություններ դեռևս չկան, սակայն, ամենայն հավանականությամբ, գնային առումով այն չի գերազանցի ֆլագմատիկ Bentley Bentayga W12 մոդելին։

Նախնական տվյալներով նոր Bentayga-ն կհայտնվի վաճառքում արդեն իսկ 2018 թվականի վերջում։

Նշենք, որ Bentley ընկերությունը իր առաջին Bentayga W12 ամենագնացը ներկայացրել էր դեռևս 2015 թվականի սեպտեմբերին, որն էլ դարձել էր աշխարհի ամենաարագ արտաճանապարհային մեքենան։ Ամենագնացը 100 կմ/ժ արագությանը հասնում է 4.1 վայրկյանում, իսկ առավելագույն արագությունը 284 կմ/ժ է:

bentley-5bentley-4bentley-2bentley-3

bentley_bentayga_hybrid_-_02

Share.