Bentley-ին հանրության է ներկայացրել իր նոր Continental GT մեքենան

0

Անցյալի և ապագայի համահունչ միաձուլումը եղել է Bentley Continental GT-ի շարքի գրավականը, սկսած 2003 թվականից, երբ վերջինս առաջին անգամ ներկայավեց հանրությանը:

Bentley-ն ավանդապես հայտնի է, որպես չափազանց շքեղ մեքենաներ արտադրող ընկերություն, որի մեքենաները կարողացել են սահմանել ռեկորդային արագություն շնոհիվ առաջադեմ տեխնոլոգիաների: Այս ամենը ակնհայտորեն առկա է նաև ընկերության կողմից ներկայաված նոր մեքենայում։

Օրեր առաջ ներկայացված Continental GT-ի նոր մոդելը համալրված է նոր տեխնոլոգիաներով, չնայած այն հանգամանքին, որ արտաքնապես այն չի կրել էական փոփոխություններ։ Սակայն Ձեզ արդեն իսկ ծանոթ դիզայնով մեքենան թաքցնում է մի շարք նոր մանրամասներ: Bentley-ն նշել է, որ ավտոմեքենան, շնոհիվ ավելի թեթև և ուժեղ նյութերի օգտագործման, մոտավորապես 176 ֆունտ ավելի թեթև է, քան նախորդ մոդելը:

Continental GT-ն շարունակում է մնալ էլեգանտ երկդռնանի մեքենա նախատեսված այն մեծահարուստ (2017 մոդելի մեկնարկային արժեքը սկսվում է 200,000$-ից)  գնորդների համար, ովքեր ավտոմեքենաների շուկայում բարձր են գնահատում հասարակ դասական, սակայն շքեղ արտաքին տեսք: Մինչդեռ դիմային հատվածը շատ նման է վերջին 20 տարիների ընթացքում արտադրված գրեթե բոլոր Bentley մեքենաներին, ի տարբերություն դրանց, այս մոդելում կլոր լապտերը ներառում են LED Matrix տեխնոլոգիան, որի մեծ երկրպագուն է հանդիսանում Audi-ին արդեն մի քանի տարի շարունակ։ Այս ամենը զարմանալի չէ, քանի որ Audi-ին և Bentley-ին հանդիսանում են Volkswagen Group-ի մի մասը:

Մեծ Բրիտանիայում հավաքված 2017 թվականի Bentley GT-ն իր հաճախորդներին առաջարկում է հզոր 6.0 լիտրանոց տուրբո W12 TSI շարժիչ, ութ աստիճանային փոխանցման տուփ և էլեգանտ ու շքեղ ինտերիեր։

Ընկերությունը նշում է, որ յուրաքանչյուր Continental GT-ի ինտերյերում օգտագործում է ավելի քան 107 քառակուսի ֆուտ, իրական փայտ, մեծ քանակությամբ բարձրորակ կաշի և մետաղ։ Այնպես որ այս մեքենան նախատեսված չէ այն մարդկանց համար, ովքեր մտահոգված են երկիր մոլորակի ռեսուսների նվազմամբ։

Share.