Աշխարհում երբևէ ամենից շատ վաճառված հեռախոսները։

0

Ցանկանում ե՞ք իմանալ, թե որոնք են աշխարհում ամենից շատ վաճառված և պահանջված հեռախոսները։ Եթե այո, ապա ստորև Ձեր ուշադրությանն ենք ներկայացնում հեռախոսների և սմարթֆոնների բոլոր այն մոդելները, որոնք ամենից շատն են վաճառվել։

Այսպիսով, բջջային հեռախոսների ամբողջ պատմության ընթացքում ամենաշատ վաճառված սմարթֆոնների շարքում են՝

Nokia 1100 և Nokia 1110 – (250 միլիոն)

Բջջային հեռախոսների շուկայում վաճառքի անվիճելի առաջատարը ֆիննական Nokia ապրանքանիշն էր իր հեռախոսների տարատեսակ մոդելներով, որոնցից ամենապահնջվածներն էին՝ Nokia 1100 և Nokia 1110-ը: 2003 և 2005 թվականին մեկնարկված այս երկու հեռախոսները վայելում էին հանրության սերը և ուշադրությունը իրենց պարզ և շատ կոմպակտ դիզայնի շնորհիվ։ Տվյալների համաձայն՝ այս հեռախոսներից յուրաքանչյուրը վաճառվել է 250 միլիոն օրինակով։

nokia_1100iPhone 6 և iPhone 6 Plus – (220 միլիոն)

iPhone 6-ը և iPhone 6 Plus-ը լավագույն վաճառված սմարթֆոնների թվում են։ Վաճառքների թիվը ամբողջ աշխարհում կազմել է 220 միլիոն։ Մինչ օրս iPhone 6-ը շարունակում է համարվել ամենալավ վաճառվող սմարթֆոնը: Ի տարբերություն iPhone 5S-ի iPhone 6-ը ստացել էր նոր դիզայն, ավելի մեծ էկրան (Retina HD) և հզոր պրոցեսոր։

iphone6

Samsung E1100 – (150 միլիոն)

Ի տարբերություն Nokia-ի, Samsung ապրանքանիշի հեռախոսներից միայն մի քանի մոդել են դարձել առաջատար։ Ամենից շատ վաճառվածը Samsung E1100 էր, որը համալրված էր բոլոր անհրաժեշտ առանձնահատկություններով։ 2009 թվականին մեկնարկված Samsung E1100-ը վաճառվել է 150 միլիոն օրինակով։

samsung_e1100

Motorola RAZR V3 – (130 միլիոն)

Motorola ընկերության RAZR V3-ը համարվում է առաջին ծալվող հեռախոսներից մեկը։ Եվ, իհարկե, այս մոդելը պատմության մեջ ամենից շատ վաճառված «ծալվող հեռախոսն» է`130 միլիոն։

2004 թվականին արտադրված հեռախոսը առանձնանում էր իր յուրահատուկ բարակ դիզայնով և թեթև քաշով: Մոդելի անունը՝ «Razor», թարգմանաբար նշանակում է «ածելի»։ Քանի որ իր բարակությամբ և մետաղական ստեղնաշարով այն, իսկապես, հիշեցնում է բարակ ածելի։

motorola_v3

Samsung Galaxy S4 – (80 միլիոն)

iPhone 5-ի մեկնարկից կես տարի անց Apple ընկերության գլխավոր մրցակիցը դառնում է Samsung-ը՝ իր Galaxy S4 սմարթֆոնվ: Իր դիզայնով սարքը գրեթե չի տարբերվում նախորդ մոդելից, սակայն նոր մոդելը ստացել էր 5-դյույմանոց SuperAMOLED (1920 x 1080) էկրան։ Հարավ-կորեական արտադրողին հաջողվել է վաճառել մոտ 80-85 միլիոն Galaxy S4-ը:

5292013115024PM_635_samsung_galaxy_s_4

Apple iPhone 4S – (60 միլիոն)

Այս մոդելը պատմությանը հայտնի է որպես Սթիվ Ջոբսի կողմից ստեղծված վերջին iPhone: Ընկերության հինգերոդ սերնդի սմարթֆոնի գլխավոր առանձնահատկությունը` Siri ձայնային օգնականի առկայությունն էր: Ինչպես բոլոր մյուս iPhone-ների մոդելները, այս մեկը նույնպես իր վաճառքներով չէր զիջում նախորդներին`60 միլիոն:

iphone_4s

 

Share.