Ո՞րն է աշխարհում ամենաշատ վաճառված սմարթֆոնը

0

Ի զարմանս շատերի՝ Apple-ի iPhone 7-ը, որ մեծ իրարանցում առաջացրեց 2016թ.-ին, այդ տարվա ամենաշատ վաճառված սմարթֆոնը չի հանդիսանում՝ համաձայն տարբեր հետազոտությունների:

Մինչդեռ առաջատարը ևս Apple-ին է պատկանում: Խոսքը iPhone 6s-ի մասին է, որը ներկայացվել էր 2015-ին և հաջորդ տարվա ընթացքում վաճառվել ավելի քան 60 միլիոն օրինակով:

Երկրորդ տեղում Apple-ի iPhone 7-ն է, որը թողարկվել էր  2016 թ.ի սեպտեմբերին և վաճառվել 50 միլիոն օրինակով, այնուհետև՝ iPhone 7 Plus-ը՝  25 միլիոն օրինակով:

apple-iphone-6-2016-ios-10-gallery-img-2-101016

Apple-ը յուրաքանչյուր տարի հայտնում է լրագրողներին, թե քանի iPhone է վաճառվել ընդհանուր առմամբ, սակայն չի բացահայտում մանրամասները յուրաքանչյուր մոդելի վերաբերյալ՝ թողնելով դա հետազոտողներին, ինչպիսին որ IHS-ն է:

Ինչ վերաբերում է Apple-ի մրցակիցներին, ապա Samsung-ը IHS Markit-ի հետազոտության top 10-ում ունի 2 սմարթֆոն, որոնք են Galaxy S7 Edge-ը, ներկայացված 2016 թ-ի մարտին՝ 25 միլիոն վաճառքով և  գրեթե նույն ժամանակ թողարկված Galaxy S7-ը՝ 24 միլիոն օրինակ վաճառքով:

Ցուցակի մյուս հեռախոսները առավել մատչելի սարքեր են, որոնց հիմնական գնորդները զարգացող երկրների շուկաներից են: Օրինակ՝ չինական Oppo կազմակերպության A53 մոդելը զբաղեցնում է աշխարհում ամենաշատ վաճառված հեռախոսների ցուցակի 7-րդ հորիզոնականը 20 միլիոնից ավելի վաճառքներով:

Share.