Բիլ Գեյթսն անվանել է մոտ ապագայի 10 բեկումնային տեխնոլոգիաները:

0

 

Ինչպես գիտեք, MIT Technology Review-ն ամեն տարի հրապարակում է հետևյալ տարվա բեկումնային տեխնոլոգիաների իր թոփ տասնյակը։

Այնպես, որ այս անգամ 10 առաջադեմ տեխնոլոգիաների ամենամյա ցանկը MIT Technology Review պարբերականի համար կազմել է Microsoft-ի հիմնադիր և միլլիարդատեր Բիլ Գեյթսը։ Ըստ նրա այս տեխնոլոգիայները կլինեն հեղափոխական և ապագայում կազդեն մարդկության զարգացման ողջ պատմության վրա:

Գեյթսը բաժանել է դրանք երեք կատեգորիայի՝ կլիմայի փոփոխություն, առողջապահություն և արհեստական բանականություն:

Այսպիսով, Ձեր ուշադրությաննն ենք ներկայացնում շրջադարձային տեխնոլոգիաների թոփ տասնյակը։

 

Ճկուն ռոբոտներ

OpenAI-ի կողմից ստեղծած նեյրոնային ցանցի հիման վրա աշխատող Dactyl-ն ռոբոտը   համալրված է տեսախցիկներով, տվիչներով և լամպերով: Այժմ ռոբոտը սովորում է փոխգործակցել տարբեր ձևերի և չափերի կառուցվածքների հետ, ինչպես նաև կարողնաում են սովորել սեփական սխալների վրա։

Ըստ Գեյթսի նման ռոբոտների զանգվածային արտադրությունը կտևի 3-5 տարի։

 

Նոր ալիքի միջուկային էներգիա

Միջուկային համակարգերը, մոդուլային ատոմակայանները, ջերմային ռեակտորները մոտ ապագայում մեծ փոփոխությունների են ենթարկվելու։ Ջերմամիջուկային սինթեզի ռեակտորները դեռևս մշակման փուլում են: Ինչպես օրինակ NuScale-ի կողմից մշակվող ավելի փոքր ռեակտորների մոդելները, որոնք թույլ են տալիս կրճատել ծախսերը՝ միևնույն ժամանակ նվազեցնելով ռիսկերը:

Դրանց թողարկումը նախատեսվում է մինչև 2030թվականը:

 

Վաղաժամ ծնունդների կանխատեսում

Հղի կնոջ արյան պարզ հետազոտությունը կարող է ցույց տալ նրա մոտ վաղաժամ ծննդաբերության վտանգի առակյությունը: Այս ուղղությամբ ներկայաումս աշխատում է Akna Dx ընկերությունը: Գեյթսի կարծիքով՝ արդեն 5 տարուց կանայք կարող են արյան անալիզի միջոցով նախապես տեղեկանալ վաղաժամ ծննդաբերության ռիսկի մասին։

 

Հաբի տեսքով «խելացի» զոնդ

Մանրադիտակային զոդերը, որոնք սովորական դեղահաբի չափ են, թույլ կտան արագորեն ստանալ ներքին օրգանների պատկերը՝ առանց անզգայացման և էնդոսկոպի տեղադրման։

 

Քաղցկեղի դեմ պատվաստում

Աշխարհում քաղցկեղի առաջին պատվաստանյութը ստեղծվել է BioNTech-ի կողմից և  փորձարկվել սկսած 2017 թվականից:

 

Արհեստական միս

Գիտնականները առաջարկում են արհեստական միս աճեցնել փորձանոթներում՝ օգտագործելով բուսական հումք։ Գեյթսն արդեն ներդրում է արել այս շուկայում գործող Beyond Meat և Impossible Foods ընկերություններում, որոնք «միս» են ստեղծում ոլոռից, սոյայից, ցորենից, կարտոֆիլից և բուսական յուղից:

 

CO2-ի վերահսկում

Carbon Engineering, Climeworks և Global Thermostat ընկերությունները առաջարկում են օդից որսալ ածխաթթու գազը և օգտագործել այն տարատեսակ նպատակներով, օրինակ սինթետիկ վառելիք և մեթան ստանալու համար։

 

ԷԿԳ ապարանջաններ

2018 թվականին Apple-ն իր «խելացի» ժամերում ավելացրեց նոր տեխնոլոգիա՝ ԷԿԳ, որը թույլ է տալիս մշատպես տեղեկացված լինել սրտի աշխատանքի մասին և ցույց տալ շեղումները՝ կանխել սրտային հիվանդությունները։

 

Զուգարան առանց կոյուղու

Գեյթսը առաջարկել է ստեղծել նորարարական զուգարաններ, որոնք կլուծեն ջրի սակավության խնդիրը: 1-2 տարի հետո, Գեյթսի կանխատեսմամբ, շուկայում կհայտնվեն «խելացի» զուգարաններ, որոնք կկարողանան ավտոմատ կերպով վերամշակել արտանետումները, ինչի համար նրանց անհրաժեշտ չէ կապվել կոյուղու հետ:

 

Ձայնային օգնականներ

Ձայնային օգնականները դարձել են շատերիս կյանքի անբաժանելի մի մասը, բայց դրանք լուրջ թերություն ունեն, ի տարբերություն մարդկանց ճարտար չեն: Նոր ձայնային օգնականները մի քանի տարի անց կատարյալ կտիրապետեն խոսքի և ընկալման հմտություններին։

 

Share.