«Ո՛չ, ո՛չ մի iPhone»: Բիլ Գեյթսը նախընտրում է Android։

0

Microsoft ընկերության համահիմնադիր և աշխարհի ամենահարուստ մարդկանցից մեկը՝ Բիլ Գեյթսը խոստովանել է, որ այժմ օգտվում է Android օպերացիոն համակարգով սմարթֆոնից։

Fox News-ին տված իր հարցազրույցում նա նշել է, որ Windows Phone-ից անցել է Android-ի: Գեյթսը պատմել է նաև, որ օգտագործում է Windows օպերացիոն համակարգով համակարգիչ, իսկ բոլորովին վերջերս անցել է Android սմարթֆոնի: Եվ այնուամենայնիվ, նրա սմարթֆոնում կան բազմաթիվ software-ներ Microsoft-ից։

Լրագրողի «շփոթեցնող» հարցին, թե ինչպես էին Գեյթսի փոխհարաբերությունները Apple-ի համահիմնադիր Սթիվ Ջոբսի հետ, նա պատասխանեց․ «Դե, իհարկե, Սթիվի հետ ունեցած մեր փոխհարաբերությունների բոլոր ասպեկտները դժվար է պատկերացնել։ Բայց վերջին մի քանի տարիների ընթացքում, Սթիվը պայքարում էր քաղցկեղի դեմ, մեր  մտերմությունը և ընկերությունը, իսկապես ամրապնդվեց»։

«Ես և նա շատ ընդհանուրություններ ունեինք, բայց տարբեր էինք: Սթիվը, ուղղակի, հանճարեղ էր»։

iPhone-ի առկայության մասին հարցին Գեյթսն ստիպված եղավ անկեղծորեն պատասխանել ասելով, որ «ոչ, ոչ մի iPhone չունի»:

Bill-Gates-is-now-an-Android-user

Ավելի վաղ արդեն իսկ հայտնի էր դարձել, որ Գեյթսի երեխաները երբեք չեն ունեցել Apple ապրանքանիշի որևէ սարք: 2013 թվականի իր հարցարզրույցի ժամանակ նա նշել էր, որ իր երեխաները սիրում են իրենց Windows հեռախոսները և Windows համակարգիչները։

Share.