Ինչու է աշխարհի ամենահարուստ մարդը՝ Բիլ Գեյթսը, արգելել իր երեխաներին օգտագործել սմարթֆոն։

0

Մինչդեռ երեխաները և դեռահասները ժամեր են ծախսում իրենց պլանշետների և սմարթֆոնների հետ, աշխարհի ամենահարուստ մարդու՝ Բիլ Գեյթսի երեխաների փորձը նշանակալիորեն տարբեր է եղել։

Վերջերս տված հարցազրույցի ընթացքում, Microsoft-ի հիմնադիր Բիլ Գեյթսը հայտնել է, որ ինքը արգելել է իր երեխաներին առնչվել տեխնիկայի հետ, ապա ավելացրել․ «Իհարկե մեր երեխաները, ինչպես բոլոր դեռահասները պահանջում էին գնել իրենց համար բջջային հեռախոսներ, սակայն ես և իմ կինը՝ Մելինդան, շարունակում էինք անտեսել նրանց խնդրանքները և բողոքները, մինչ նրանք դարձան 14 տարեկան»։

Միլիարդատեր Գեյթսը ոչ միայն ստիպել է իր երեխաներին սպասել 14 տարի սմարթֆոն ստանալու համար, այլ նաև սահմանափակել օգտագործման ժամանակը, որպեսզի վերջիններս ճիշտ ժամանակին քնեն։ Եվ իհարկե սահմանել իր կանոները․ սմարթֆոնները արգելված են ընթրիքի ժամանակ սեղանի շուրջ:

Apple ընկերության հիմնադիր Սթիվ Ջոբսը, ով բազում առիթներով առնչվել է Գեյթսի հետ, նույնպես ուներ նման մոտեցում:

3F6FBEB400000578-4430812-image-a-14_1492729326135

Այն հարցին, թե իր երեխաներին դուր եկել է iPad-ը, թե ոչ նա պատասխանել էր, որ վերջիններս չեն օգտագործել այն:

Ուոլթեր Այզեքսոնը, ով գրել է Ջոբսի կենսագրությունը, իր աշխատանքում նկարագրել է նրանց երեկոյան ընթրիքը․ «Ամեն երեկո Սթիվը և իր ընտանիքը ընթրում էին խոհանոցում, քննարկում տարբեր գրքեր և պատմություններ և ոչ ոքի iPad-ից, սմարթֆոնից կամ համակարգչից չէր օգտվում այդ ընթացքում: Երեխաները կախվածություն չունեին նման սարքերից»

Ըստ էության, դա փայլուն ռազմավարություն է ծնողների համար։ Եթե դուք չեք թույլատրում Ձեր երեխաներին ունենալ սմարթֆոն մինչև 14 տարեկան և սահմանափակում եք օգտագործման ժամանակը, ապա նրանք գոհ կլինեն ցանկացած սարքից և սմարթֆոնից, որը հետագայում կգնեք իրենց համար։

Հարկ է նշել, որ 2013 թվականին 60-ամյա տեխ․ մագնատը NBC-ի հաղորդման ժամանակ նույնպես նշել էր, որ երեխաների համար գադջեթներ և սմարթֆոններ օգտագործելու համապատասխան տարիքը 13 է:

Share.