Պաշտոնապես ներկայացվել է BlackBerry-ի նոր Motion սմարթֆոնը։

0

Դուբայում կայացած GITEX 2017 Technology Week միջոցառման ընթացքում TCL -ին պաշտոնապես ներկայացրեց BlackBerry-ի նոր BlackBerry Motion հեռախոսը։

5.5-դյույմանոց HD սենսորային էկրանով BlackBerry Motion սմարթֆոնի առանձնահատկությունները հետևյալն են՝ 4 GB օպերատիվ հիշողություն, 4,000 mAh մարտկոցի կյանք՝ QuickCharge 3.0 օժանդակությամբ, Snapdragon 625 SoC պրոցեսոր,  32GB պահեստային հիշողութուն։

Այս ամենից բացի հեռախոսը ունի նաև IP67 փոշու, ջրի դիմադրություն և ինչպես նշել է TCL-ն, այն ունի հզոր մարտկոց, որը կարող է պահել մարտկոցի լիցքը ավելի քան 32 ժամ ինտենսիվ օգտագործման պայամաններում։ Վերջինս աշխատում է Android օպերացիոն համակարգով և ունի դուալ SIM քարտի հնարավարությունը։

Մերձավոր Արևելքում BlackBerry Motion-ը կլինի BlackBerry անվան տակ ներկայացված առաջին հեռախոսը, որը իր օգտատերերին կընձեռնի երկակի SIM քարտի հնարավորություն։ Սակայն հարկ ենք համարում նշել, որ BlackBerry-ին ավելի վաղ արդեն իսկ թողարկել էր երկակի SIM քարտ աջակցող KeyOne ստեղնաշարով մոդելը։

mwc_blackberry_keyone (1)

Հավելենք, որ TCL ընկերությունը, որը առավել հայտնի է իր բյուջետային հեռուստացույների և հեռախոսների արտադրությամբ, հույս ունի BlackBerry անվան շնորհիվ գրավել նոր հաճախորդների։ Այս նոր Motion սմարթֆոնը դրա վառ ապացույցն է։ Այն մատնանշում է, որ TCL-ի KeyOne մոդելը չի պատրաստվում լինել ընկերության միակ արտադրանքը, քանի որ  նրանք մտադիր են ստեղծել BlackBerry-ի անունով ապրանքների նոր և լայն տեսականի։

Սկզբնական շրջանում BlackBerry Motion-ը վաճառքի կհանվի դեռևս միայն Մերձավոր Արևելքում։ Սմարթֆոնի արժեքը տարածաշրջանում կկազմի 1,699 AED, որը մոտովարապես 460 ԱՄՆ դոլար է:

Թե երբ վերջինս դուրս կհանվի միջազգային շուկա դեռևս մնում է անհայտ։

Share.