Ինչպիսի՞ն է Aston Martin-ի առաջին էլեկտրական մեքենան

0

Ջեյմս Բոնդը անցնում է <<կանաչների>> շարքը. հայտնի սուպեր-գործակալի մեքենաները արտադրող Aston Martin կազմակերպությունը հաստատել է ամբողջովին էլեկտրական մեքենայի ստեղծման նախագիծը:

rapide-1

Այսպիսով, 2019 թ-ին կթողարկվեն սահմանափակ քանակությամբ՝ ընդամենը 155 RapidE  մոդելի մեքենաներ, որոնց կոնցեպտը ներկայացվել էր երկու տարի առաջ:

Oxfordshire-ում հիմնված Williams Advanced Engineering-ի հետ համագործակցության արդյունքում Aston Martin-ը կներկայացնի 4 դռնանի սպորտային մեքենա, որը կհիշեցնի Rapide S-ը, սակայն վեց լիտրանոցV12 շարժիչի փոխարեն այն կունենա ամբողջովին էլեկտրական համակարգ:

rapide-2-625x352

Կազմակերպության ներկայացուցչի խոսքերով՝ RapidE-ն կխորհրդանշի արմատական փոփոխություն կատարելու Aston Martin-ի տեսլականը, ցանկությունը և կարողությունը՝ ներկայացնելով նոր մեքենա, որը արժանի կլինի սպառողների հիացմունքին:

Williams Advanced Engineering-ի ներկայացուցիչը իր հերթին նշում է, որ այդ նախագծի հիմնաքարն է հզոր էլեկտրական շարժիչի ստեղծման նպատակը և իրենց համար մեծ պատիվ է այդ հարցում բրիտանական luxury դասի ավտոարտադրողի հետ աշխատելը:

Մեքենայի մասին տեխնիկական մանրամասներ դեռևս հայտնի չեն, սակայն հեղինակները խոստանում են <<եզակի փորձ, որը անհնար է ապրել մինչև Aston Martin վարելը>>:

Նշենք, որ Aston Martin բռենդը հատկապես հայտնի է դարձել 007 գրքերի և ֆիլմերի շնորհիվ:  DB5-ը նկարահանվել է յոթ ֆիլմերում, ինչպիսիք են՝ Goldfinger-ը, Thunderball-ը, GoldenEye-ը և Tomorrow Never Dies-ը:

Դենիել Քրեյգի ներկա Բոնդը վարում է մի քանի մոդելներ, որոնցից են DB5-ը (Casino Royale, Skyfall, Spectre), DBS V12-ը (Casino Royale, Quantum of Solace), և DB10-ը (նախատեսված էր 009-ի համար, սակայն Բոնդը գողանում է այն  Spectre-ում):

Share.