Հիվանդություններ հայտնաբերող breathalyzer

0

Իդեալական աշխարհում բժշկական առեղծվածը կարող է լուծվել սարքով, որն արագորեն նմուշ է վերցնում հիվանդից և ասում, թե հիվանդը ինչ հիվանդությամբ է տառապում:

Գուցե նմանատիպ սարքի օգնությամբ հիվանդությունները ավելի շուտ ախտորոշվեն և հիվանդության վաղ շրջանում լուծում կստանան:

Սարքը վերցնելով շնչառության նմուշ, կարող է ախտորոշել 17 տարբեր հիվանդություններ, ներառելով Պարկինսոն հիվանդության երկու 2 տեսակները, Քրոնիկական հիվանդությունները, տարբեր սկլերոզներ, երիկամների հիվանդություն և խաղցկեղներ՝ թոքի, շագանակագեղձի և ձվարանային:

 Սարքը կարող է հայնաբերել հիվանդությունները սկզբնական շրջանում և նույնիսկ կարող է նախապես ասել, թե հիվանդը հետագայում ինչ հիվանդություններ կարող է ունենալ:

Սարքը 86% ճշգրտություն է ցուցադրել, հետազոտելով 1404 հիվանդ աշխարհի 9 տարբեր երկրներում: Դեռևս այն չի օգտաործվում կլինիկաներում, բայց մոտ ապագայում շատ մեծ հավանականությամբ կօգտագործվի:

Ամեն շունչի հետ մեր թոքերը ածխաթթու գազ են հանում մեր մարմնից և նոր օդ շնչում: Օդի այլ բաղադրիչներ կան նաև՝ ազոտ և չօգտագործված թթվածին:

Գիտնականները ավելի քան 100 տարբեր քիմիական բաղադրիչներ են հայտնաբերել յուրաքանչյուր արտաշնչած շնչում, որոնցից 13-ը կապված են եղել կոնկրետ հիվանդությունների հետ:

Սարքն ունի “արհեսնական բանականություն”, որն վերլուծում է քիմիական նյութերը՝ հասկանալու առողջության աստիճանը: Երբ այս քիմիական նյութերի կոնցենտրացիանները տարբերվում են ակնկալված նորմայից, ապա դա նշան է, որ ինչ-որ բան այն չէ:

Այս միտքը դեռևս եկել է Ք.Ա. 400 թվականից, երբ Հիպոկրատը իր աշակերտներին ասել է, որպեսզի նախ և առաջ նրանք հիվանդի շնչառության հոտը քաշեն, ապա եզրակացություն կազմեն հիվանդի առողջության մասին:

Ցուցադրված տեսահոլովակում Հեյքը ասում է, որ փորձում են միավորել նմանատիպ տեխնոլոգիան սմարթֆոնների հետ,որի շնորհիվ նույնիսկ հեռախոսազրույցի ժամանակ կարելի է ախտորոշել մարդու հիվանդ լինելու սկզբնական փուլը: Այս փաստը հնարավոր է վախենալու թվալ, բայց հիվանդությունը վաղ շրջանում հայնաբերելը շատ կարևոր է:

Share.