Չինաստանում արգելվել է iPhone 6-ը

0

Apple-ի համար Չինաստանից եկող վատ լուրերից վերջինը հաղորդում է, որ Պեկինում փորձում են կասեցնել iPhone 6-ի և 6 Plus-ի վաճառքները: Պեկինի Մտավոր Սեփականության գրասենյակը հայտարարել է, որ Apple-ի հեռախոսները խախտում են Shenzhen Baili-ի կողմից ստեղծված 100C հեռախոսի արտոնագրային իրավունքները: Խոսքը գնում է մի հեռախոսի մասին, որին գրեթե ոչ ոք ծանոթ չէ. տարօրինակ է, չէ՞:

pmg0wr3pktdlqeolcrmr

Նկարում կարող եք տեսնել երկու հեռախոսները՝ կողք կողքի:

Մի բան պարզ է՝… երկուսն էլ հեռախոսներ են: Ունեն ուղղանկյուն կառուցվածք և կամերա: Նմանությունները, թերևս, ավարտվում են այսքանով: Այնուամենայնիվ, Պեկինի Մտավոր Սեփականության գրասենյակը պնդում է, որ սպառողները կարող են խառնել երկու հեռախոսները, ինչն էլ օրենքի խախտման մեղադրանքի հիմք է հանդիսանում:

9to5Mac-ի համաձայն՝ այս մեղադրանքը հնարավոր է նպատակ է հետապնդում ստիպել Apple-ին վճարել: Վերջինս հայտնի է դրանով, քանի որ նախընտրում է այդ ուղին դատերի փոխարեն:

Apple-ը վերջին ժամանակներս բազում խոչընդոտների է հանդիպում Չինաստանում: Ապրիլ ամսին առաջին անգամ՝ սկսած 2007թ. iPhone-նների թողարկումից, գրանցվել էր iPhone-նների վաճառքի անկում, ինչում իր մեծ ներդրումն ուներ Չինաստանը, ուր արգելվել էին iTunes Movies-ն ու iBooks Store-ը:

zoxfce4dswqgdswkmuveApple-ի համար, որն արդեն լուրջ ֆինանսական խնդիրների ունի Չինաստանում, այս արգելքը ամենաանհարմար պահին էր: Սակայն, տարօրինակ կերպով արգելքը չի տարածվում Apple-ի նորագույն iPhone 6s մոդելի վրա, որը գրեթե չի տարբերվում iPhone 6-ից: Apple-ը նաև պատրաստվում է թողարկել iPhone 7-ը սեպտեմբեր ամսին: Դատական գործընթացների ընթացքում Apple-ը դեռևս իրավունք կունենա վաճառել իր արտադրանքը, այսպիսով, այնուամենայնիվ, ամեն ինչ դեռ կորած չէ, և կարող էր ավելի վատ լինել:

Համաձայն Apple-ի կողմից տրամադրված վերջին տվյալների՝ «iPhone 6 և iPhone 6 Plus, ինչպես նաև iPhone 6s, iPhone 6s Plus և iPhone SE մոդելները Չինաստանում այսօր հասանելի են վաճառքի: Մենք բողաքարկել ենք անցյալ ամիս Պեկինից ստացված մեղադրանքը և այժմ սպասում ենք դատարանի որոշմանը»:

  • anxf3bjtxfzathrwqvvv
Share.