Ինչպե՞ս մաքրել հեռախոսի կամ համակարգչի էկրանը առանց դրանք վնասելու

0

Համակարգիչն ու սմարթֆոնը մեր առօրյայի անբաժան մասնիկն են հանդիսանում, և, բնականաբար, անհրաժեշտ է հետևել դրանց մաքրությանը: Սակայն սխալ մաքրելու արդյունում այդ սարքերը շատ հեշտ է վնասել, մանավանդ, երբ խոսքը վերաբերում է էկրանին:

LCD էկրանները բավականին նուրբ են և մաքրելիս պետք զգույշ լինել որպեսզի ուժեղ չսեղմեք դրանց վրա:

Մաքրելու համար առաջին հերթին պետք է անջատել էկրանը, անվտանգությունից բացի դա կօգնի նաև ավելի լավ տեսնել հետքերը: Այնուհետև պետք է մաքուր միկրոֆիբերային կտորով սրբել այն: Եթե հետքերը շատ են, ապա կտորը կարելի է թրջել մի փոքր ջրով կամ 50/50 հարաբերակցությամբ ջրի ու սպիտակ քացախի լուծույթով:

clean-pc-3

Իհարկե, նաև կարող եք գնել հատուկ նյութ էկրանների մաքրման համար, որը կգտնեք մասնագիտացված խանութներում:

Ինչ վերաբերում է սմարթֆոնների ու պլանշետների touch էկրաններին, ապա դրանք ավելի դիմացկուն են քան LCD-ները, սակայն, այնուամենայնիվ, զգուշությունը չի խանգարի: Դրանք ևս կարող եք մաքրել ջրի ու քացախի լուծույթով, կարող եք անգամ թեթևակի սեղմել, եթե որևէ հետք դժվար է անցնում: Սակայն հաշվի առեք, որ լուծույթը չի կարելի ցողել էկրանին, դրանով պետք է պարզապես թրջել կտորը:

Եթե բացի սրբելուց ցանկանում եք հակաբակտերիալ մաքրում կատարել, ապա կարող եք օգտագործել իզոպրոպիլ սպիրտ: Սակայն, ոչ բոլոր սարքերի հետ, քանի որ օրինակ Apple-ը դա խորհուրդ չի տալիս:

Share.