Ինչպես մաքրել Windows-ը անպետք ֆայլերից ավտոմատ կերպով։

0

Ոչ միայն Windows-ում, այլ ցանկացած ուրիշ օպերացիոն համակարգերում չօգտագործվող կամ այսպես կոչված «մնացորդային» ֆայլերը կուտակվում են, որի պատճառով էլ ժամանակի ընթացքում համակարգչի աշխատանքը դանդաղում է, իսկ արդյունավետությունը՝ ընկնում։

Անշուշտ, այս խնդրի հետ առնչվել են մեզանից շատերը։ Ուստի օգտատերերի մի մասը, համակարգչի աշխատանքը արագացնելու նպատակով, հակված է ջնջել անպիտան ֆայլերը և դրանց տվյալները համակարգչից։ Սակայն հաշվի առնելով, որ այդ ֆայլերը նախ և առաջ անհրաժեշտ է փնտրել, գտնել, և դա իհարկե մեկ ֆայլ չէ, ապա կարող ենք վստահորեն պնդել, որ սա ծանր և ժամանակատար աշխատանք է։ Այդ իսկ պատճառով ստորև ցանկանում ենք ներկայացնել, թե ինչպես ամբողջ այդ գործընթացը դարձնել ավելի հեշտ․ այլ կերպ ասած՝ ավտոմատացնել։ Բարեբախտաբար, Windows-ում գոյություն ունի մի մեթոդ, որով չօգտագործվող ֆայլերը կարող են ինքնաբերաբար ջնջվել:

Այս մեթոդի հիմքում ընկած է Storage Sense ֆունկցիայի օգտագործումը, որն արդեն իսկ առկա է Windows 10-ում, սակայն շատերի մոտ անջատված է:

1․ Այն ակտիվացնելու համար պարզապես սեղմեք Windows նշանի վրա, այնուհետև ձախ անկյունից ընտրեք Settings կոճակը։ Բացված նոր պատուհանից  ընտրեք System-ը (վերջինս ցանկում առաջինն է)։

2․ System կոճակը սեղմելուց հետո կհայտնվի մեկ այլ պատուհան, որտեղից անհարժեշտ է ընտրել Storage-ը։ Այստեղ կտեսնեք Storage Sense կոճակը, որը պետք է միացնել, քանի որ ըստ նախնական կարգավորումների այն շատերի մոտ անջատված է։

enable-storage-sense-windows10fcu

3․ Storage Sense-ը ակտիվացնելուց հետո, դուք կկարողանաք փոխել նաև կարգավորումները ըստ ձեր նախընտրությունների սեղմելով՝ change how we free up space։

4․ Այստեղից կարող եք սահմանել, թե ինչպես համակարգը մաքրի ժամանակավոր ֆայլերը, որոնք չեն օգտագործվում կամ ջնջվել են վերջին 30 օրվա ընթացքում։ Հնարավոր տարբերակները ցույց են տրված ստորև․

Automatically-Clean-Windows-of-Unused-Files3

Այս քայլերը կատարելուց հետո, համակարգչի հիշողությունը անպետք ֆայլերից անմիջապես մաքրելու համար, կարող եք սեղմել «Clean now» կոճակը։ Այլապես, համոզվեք, որ նշել եք բոլոր անհրաժեշտ կետերը և փակեք Settings պատուհանը։

Հավելենք, որ Storage sense ֆունկցիան առաջին անգամ հայտնվել է Windows 10-ի Creators տարբերակում, իսկ այժմ հասանելի է նաև ՕՀ-ի վերջին տարբերակում։

Share.