Computex 2019-ին ներկայացված լավագույն տեխնոլոգիական նորույթները։

0

 

Տեղեկատվական ու համակարգչային տեխնոլոգիաների խոշորագույն ցուցահանդեսի՝ Computex 2019-ի շրջանակներում նեկայացվել են մի շարք նորույթներ՝ սկսած խաղային սարքերից, պրոցեսորներից ու նոթբուքերից մինչեւ վիրտուալ իրականության հավաքածուներ ու ռոբոտներ։

Թայբեում (Թայվան) ընթացող միջոցառմանը մասնակցել են շուրջ 1.7 հազար ընկերություններ, որոնցից են ոլորտի այնպիսի հսկաները, ինչպիսիք են Intel-ը, Dell-ը, Asus-ը, Microsoft-ը և այլն։

Այսպիսով, Ձեր ուշադրությանն ենք ներկայացնում ցուցահանդեսի շրջանականերում ներկայացված լավագույն նորույթները։

5G ցանցով աշխատող առաջին նոթբուքը

Lenovo ընկերությունը սպառողին է ներկայացրել առաջին 5G նոթբուքները, որոնք ստացել են Project Limitless անվանումը։

Համակարգչի հիմքում ընկած է ARM Snapdragon 8cx պրոցեսորը, որն ոչինչով չի զիջում  Intel-ի վերջին սերնդի պրոցեսորնհերին։  Նշենք, որ արտաքին տեսքից սարքը նույնպես չի տարբերվում սովորական ուլտրաբուքից։

ARM Snapdragon 8cx պրոցեսորի օգնությամբ արտադրողը երկու հիմնական խնդիր է լուծել՝ նվազեցնելով էներգիայի սպառումը և ապահովելով անընդհատ մուտքը համացանցին։

Նորույթի զանգվածային վաճառքը կսկսվի 2020 թվականից։

Կրկնակի դիսփլեյով նոթբուք  և ZenFone 6 Edition 30

Asus թայվանական արտադրողը ներկայացրել է կրկնակի էկրաններով ZenBook Duo և ZenBook Pro Duo նոթբուքերը: Դրանց առանձնահատկությունը երկրորդ սենսորային դիսփլեյի առկայությունն է:

Ինչպես նաև, իր 30-ամյակի առիթով Asus ընկերությունը ներկայացրել է նոր ZenFone 6 Edition 30 սմարթֆոնը:

ZenFone 6 Edition 30-ը ունի 48 և 13 մեգապիքսել թույլտվությամբ տեսախցիկ, լազերային ավտոֆոկուս, ինչպես նաեւ սեղանի վրայից նկարելու տակդիր։ Սմարթֆոնը նախատեսված է նրանց համար, ովքեր սիրում են սելֆի անել։

Այն ստեղծվել է ZenFone 6 մոդելի հիման վրա և կթողարկվի սահմանափակ քանակությամբ՝ ընդամենը 3 հազար նմուշ:

Նոթբուք դիզայներների համար

Թայվանական հսկա Acer ընկերությունը ներկայացրել է ConceptD 7 նոթբուքը, որը պատկանում է ConceptD խմբին: Այն իրենից ներկայացնում է աշխատանքային կայան, որը համալրված է NVIDIA Quadro RTX 5000 հզոր վիդեոքարտով։

Նոթբուքը մշակված է հատուկ ինժեներների ու գրաֆիկական դիզայներների համար:

Հիբրիդային պլանշետ

Ցուցահանդեսի շրջանակներում HP ընկերությունը ներկայացրել է Elite x2 G4 հիբրիդային պլանշետ-համակարգիչը, որը կառուցված է Intel-ի ճարտարապետության հիման վրա:

Ինչպես նշում է արտադրողը, նորույթը դուրս կգա շուկա մի քանի մոդիֆիկացիաներով:

Share.