Facebook Messenger-ի գաղտնի հնարքները։ Եթե կարծում եք, որ այս ծրագիրը միայն հաղորդագրությունների համար է, ապա սխալվում եք։

0

Messenger-ը լավագույն միջոցն է ձեր ընկերների և հարազատների հետ զրուցելու համար, քանի որ այն չունի սահմանափակումներ։ Բացատրենք, թե ինչու։ Օրինակի համար վերցնենք iMessage-ը: Այն իսկապես լավ է աշխատում, սակայն նախատեսված է միայն iOS-ի օգտատերերի համար։ Դուք չեք կարող կապ հաստատել Android սմաթֆոն ունեցող որևէ մեկի հետ և ստիպված կլինեք շփվել SMS հաղորդագրություններով, որը վճարովի է։ Այնինչ Messenger-ը թույլ է տալիս շփվել բոլորի հետ։

Շատ շուտվանից Messenger-ը առանձնանալով Facebook-ից դարձել է առանձին հավելված։ Այն, ժամանակի ընթացքում զարգանալով, հավելվել է նորանոր առանձնահատկություններով և օգտակար գործիքներով։ Ստորև ներկայացված են դրանցից ամենակարևորները՝

1․Գաղտնի և անվտանգ հաղորդագրություններ

Մտահոգվա՞ծ եք անվտանգության մասին։ Բարեբախտաբար, Messenger-ը առաջարկում է լրացուցիչ անվտանգության զրույցների համար՝ “Secret” messages։

Նման անվտանգ զրույց սկսելու համար մուտք գործեք Messenger-ի iOS տարբերակը սեղմեք new-message (վերին աջ անկյունում), ապա Secret և ընտրեք ընկերների ցանկից մեկին, ում հետ ցանկանում եք զրուցել: Android-ի դեպքում, սեղմեք new conversation, ապա Secret conversation։ Երկու դեպքերում էլ, դուք կարող եք սահմանել ժամանակը, որպեսզի խոսակցությունը անհետանա։

3

2․Անվճար զանգեր

Ինչպես iMessage-ը, Skype-ը և այլ հավելվածները, Messenger-ը նույնպես Ձեզ հնարավորություն է տալիս կատարել տեսազանգեր և ձայանային զանգեր: Իհարկե զանգերը անվճար են, սակայն եթե միացած չեք Wi-Fi-ին, ապա ինտերնետի դիմաց գումար կգանձվի Ձեր հաշվից։

3․Մուտք գործել բրաուզերից

Ճիշտ այնպես, ինչպես օգտվում եք Messenger-ի բջջային հավելվածից, այնպես էլ  կարող եք օգտագործել այն առանց Facebook-ի։ Պարզապես մուտք գործեք Messenger.com.

4․Խաղեր

Messenger-ը առաջարկում է մի քանի տասնյակ մինի խաղեր, որոնք կարող եք խաղալ միայնակ կամ ձեր ընկերների հետ։ Եթե ցանկանում եք խաղալ պարզապես սեղմեք Games պիտակին և ընտրեք։ Ընկերների հետ խաղալու համար, բացեք ձեր զրույցը և սեղմեք «պլյուս» պատկերակը, ապա  Games։

4

5. Group chat/ խմբային զրույց

Եթե ցանկանում եք քննարկել որևէ հարց միառժամանակ մի քանի հոգու հետ, ապա կարող եք վարել խմբային զրույց։

Պարզապես ստեղծեք նոր հաղորդագրություն, ապա մուտքագրեք մասնակիցների անունները: Երբ առաջին հաղորդագրությունը արդեն ուղարկված է, դուք կարող եք սեղմել պարամետրերի նշանի վրա և փոխել խոսակցության անվանումը կամ գույնը, ինչպես նաև ուղարկել ֆայլեր, ստեղծել մշտական խումբ, կազմակերպել միջոցառում։ Իհարկե, եթե նման խմբերից ստանում եք չափից շատ ծանուցումներ, ապա կարող եք անջատել ձայնը կարգավորումներից։

Share.