Apple-ը պատրաստվում է ներկայացնել նոր e-ink ստեղնաշար MacBook-երի համար

0

Wall Street Journal-ը հաղորդում է, Apple-ը գործարք է կնքել Sonder-ի հիմնադիրներ Ֆելիպե և Ֆրանցիսկո Սեռռա-Մարտինների հետ, ովքեր մշակել են ստեղնաշար, որն ունի e-ink ստեղներ, որոնք փոխվում են կախված նրանից, թե ինչ հավելված է օգտագործվում՝ ավտոմատ կերպով Qwerty-ից դառնալով օրինակ՝ Photoshop-ի համար նախատեսված shortcut-ներով ստեղնաշար:

0a02bc1afe3affad0362951c3f781b45Համաձայն աղբյուրի՝ նոր ստեղնաշարը Macbook նոթբուքերի ստանդարտ հատկանիշ կհադիսանա և կապահովի ցանկացած այբուբեն, ինչպես նաև հատուկ հրահանգների և emoji-ների անսահմանափակ քանակություն:

Սակայն այլ աղբյուրներ, ինչպես օրինակ՝ Apple Insider-ը այս լուրերը կեղծ են համարում:

Ինչ վերաբերում է Apple-ին, ապա նրանք դեռևս չի արձագանքել:

Sonder-ը տարածել է հայտարարություն այն մասին, որ իրենք չեն ժխտում Apple-ի հետ գործարքի նորությունը, սակայն տարածված հոդվածը սխալներ է պարունակում, մասնավորապես, Sonder-ի հիմնադրի և Apple-ի CEO Թիմ Քուքի հանդիպման մասին:

«Sonder-ի հիմնադիր Ֆրանցիսկո Սեռռա-Մարտինը չի հանդիպել Թիմ Քուքին 2016թ. հոկտեմբերի 12-ին, չնայած որ մենք շատ ուրախ կլինենք նման հնարավորությանը ապագայում»- ասվում է հայտարարության մեջ:

Եղբայրները անցյալ տարի են ներկայացրել են իրենց կողմից ստեղծված ստեղնաշարը, որը  փոխվում է ինչպես ebook-ի էկրանը: Start Up Daily-ի հետ հարցազրույցում Ֆրանցիսկով նշել է, որ ստեղնաշարի ստեղծման համար ոգեշնչումը ստացել է Սթիվ Ջոբսի 2007 թ. պրեզենտացիայից, որտեղ նա ներկայացնում էր iPhone-ը:

Share.