Փորձագետները խորհուրդ են տալիս հեռացնել ամենահայտնի Android հավելվածը սմարթֆոնից։

0

Android սարքերի շատ երկրպագուներ համոզված են, որ առանց այսպես կոչված «հիշողության մաքրման» իրենց սմարթֆոնը կոնոնավոր կերպով չի աշխատի:

Սակայն թե ինչքանով են արդյոք արդյունավետ համակարգը մաքրող ու օպտիմիզացնող այս ծրագրերը շատ վիճելի հարց է, չնայած այն հանգամանքին, որ նմանատիպ հավելվածների ներբեռնված անգամների թիվը հասնում է միլիարդների։

Եվ իսկապես, առաջին հայացքից այս հավելվածները թվում են անվտանգ և, նույնիսկ, օգտակար: Սեղմում եք կոճակը և այն մաքրում է սմարթֆոնի հիշողությունը: Միևնույն ժամանակ, դուք կարող եք մաքրել նաև քեշերը (թեև դա հնարավոր է անել նաև Android կարգավորումներում):

Սակայն, ինչպես հայտնաբերել են Kochava ընկերության մասնագետները, գովազդի հետևում, որը ցուցադրում են այս հավելվածները, թաքնված է հսկայական կեղծարարություն։

Kochava-ի հետազոտությունները տվյալների համաձայն՝ խարդախության այս սխեմայում մասնակցել են մի քանի հայտնի հավելվածներ, ինչպիսիք են՝ Clean Master, Battery Doctor, CM File Manager, CM Locker, որոնք տեղադրված են ամբողջ աշխարհում երկու միլիարդ սարքերի վրա: Այս հավելվածների մշակողներն են Cheetah Mobile-ը և Kika Tech-ը:

Ինչպես գիտեք, վերոնշյալ հավելվածներում ցուցադրվում են այլ բջջային հավելվածների գովազդներ և եթե ​​օգտագտերը սեղմում է գովազդային բաների վրա և տեղադրում հավելվածը, ապա հավելված ստեղծողները ստանում են գումար՝ 50 ցենտից մինչև 3 դոլար:

Օգտագործելով իրենց տեխնիկական լուծումները՝ Clean Master-ի և Battery Doctor-ի ստեղծողները կարողացել են մոլորության մեջ գցել գովազդվող ծրագրերի մշակողներին և անօրինական կերպով վաստակել հարյուր միլիոնավոր դոլարներ:

Cheetah Mobile-ի ներկայացուցիչները հանդես են եկել հայտարարությամբ, որ ընկերությունը անմեղ է։

Ներկա պահին Google-ը հետաքննում է միջադեպը, իսկ նրանց, ովքեր օգտվում են այս կասկածելի հավելածներից խորհուրդ է տրում անհապաղ հեռացնել այն սմարթֆոնից։

Share.