Pokemon Go-ի պատճառով Նյու Յորքում տեղի է ունեցել տրագիկ ավտովթար

0

Մենք անկեղծորեն հույս ունենք, որ մեր ընթերցողները չեն խաղում Pokemon Go մեքենա վարելիս։ Սակայն, եթե Դուք, այնուամենայնիվ, փորձում եք ժամանակ խնայել, մի քանի բան միանգամից անելով, թող որ Նյու Յորքում տեղի ունեցած այս ավտովթարը Ձեզ հիշեցնի, թե ինչքան վտանգավոր հետևանքներ կարող է դա ունենալ, երբ Դուք նստած եք ավելի քան մեկ տոննա կշռող մեքենայի ղեկի առաջ։

pokemon-go-car-crashAuburn-ի քաղաքապետարանը իր կայքում տեղադրել է զգուշացում քաղաքացիների համար՝ հիշեցնելով նրանց, որ կողմնակի բաներով պիտի զբաղվեն մեքենա վարելը ավարտելուց հետո։ Զգուշացումն ընդգրկում է ավտոպատահարի լուսանկար, որը, տեղի է ունեցել  Pokemon Go խաղի պատճառով, քանի որ վարորդը, տարված լինելով խաղով, դուրս է եկել ճանապարհի երթևեկելի մասից և բախվել ծառին։

Վարորդի հետ ոչ մի լուրջ բան չի պատահել, սակայն հարցի էությունը դրանում չէ, այլ նրանում, որ այդպիսի բան անելը պարզապես անընդունելի է։ Գտե՛ք խաղալու համար ժամանակ մեքենա վարելուց հետո կամ էլ, պարզապես, օգտագործե՛ք Ձեր երկու ոտքերը տեղաշարժվելու համար։

Հույս ունենք, որ Niantic-ը ևս կգտնի միջոց վարելու ընթացքում խաղալը դատապարտելու համար։

Share.