Ինչպես YouTube-ից անվճար երաժշտություն ներբեռնել դեպի սմարթֆոն։

0

Այլևս կասկածներ չկան, որ աշխարհի ամենատարածված երաժշտական ալիքը ոչ թե iTunes-ն է կամ  Spotify-ը, այլ YouTube-ը: YouTube-ում ամեն րոպե ներբեռնվում են նոր երաժշտական տեսանյութեր, սակայն ձևաչափը այնպիսին է, որ դրանք սմարթֆոնով լսելը այդքան էլ հարմար չէ, քանի որ YouTube հավելվածում գտնվելիս այն սահմանափակում է ձեր գործողությունները և թույլ չի տալիս միառժամանակ օգտագործել սմարթֆոնը այլ նպատակաների համար։  Սակայն հոգ չէ, քանի որ YouTube-ից երաժշտությունը հնարավոր է ներբեռնել դեպի սմարթֆոն։

Իհարկե, պատճառները, թե ինչու կցանկանեք ներբեռնել տեսանյութը կամ երաժշտությունը, կարող են լինել տարբեր։ Օրինակ դրանցից մեկը կարող է հանդիսանալ հանգամանքը, որ դուք ցանկանում եք նվագարկել որևէ տեսանյութ կամ լսել մի երգ այնպիսի վայրում, որտեղ ինտերնետ կապը բացակայում է։ Անկախ պատճառից գոյություն ունեն մի քանի տարբերակներ, որոնք հնարավորություն են տալիս սմարթֆոնում պահել անհրաժեշտ երաժշտությունը։

Այնպես, որ ստորև կներկայացնենք մի քանի մեթոդ, թե ինչպես կարելի է YouTube-ից երաժշտություն ներբեռնել դեպի Android և iOS սմարթֆոններ։

Android սմարթֆոնների համար

Android սմարթֆոնների դեպքում YouTube-ից տեսանյութ ներբեռնելու ամենատարածված և հարմար գործիքը TubeMate-ը հավելվածն է։ Այն իսկապես հեշտ է օգտագործման համար և ներառում է բոլոր անհրաժեշտ առանձնահատկությունները։

TubeMate-ը կարող եք ներբեռնել ծրագրի պաշտոնական կայքից կամ APKMirror-ից, քանի որ Play Store-ում այս հավելվածը ինչքան էլ փնտրեք միևնույնն է չեք գտնի:

1

Այսպիսով քայլերը հետևյալն են՝

Քայլ 1։ Առաջին հերթին ներբեռնեք հավելվածը, որից հետո գործարկեք այն սեղմելով Install, ապա Open։ TubeMate-ը ունի YouTube հավելվածի տեսքը, սակայն լրացուցիչ շրջանակով:

Քայլ 2: Պարզապես համաձայնեք պայմաններին սկսելու համար:

Քայլ 4: Որոնեք ցանկալի YouTube տեսանյութը, ապա սեղմեք կանաչ կոճակին՝ ներբեռնելու տարբերակները տեսնելու համար։

Քայլ 5: Ներբեռնման առկա տարբերակներից ընտրեք Audio (Mp3) կամ “Audio (M41, AAC)-ը։

IOS սարքերի համար

Եթե դուք Apple-ի սիրահար եք, YouTube-ից տեսահոլովակներ ներբեռնելու գործընթացը կարող է մի փոքր տարբեր լինել, կախված թե iOS օպերացիոն համակարգի որ տարբերակն եք օգտագործում։ Սակայն Android սմարթֆոնների համար վերը նկարագրված մեթոդը մեծամասմբ աշխատում է նաև iOS օպերացիոն համակարգով սնուցվող iPhone-ի, iPad-ի կամ iPod-ի դեպքում։

Այսպիսով, մենք փորձեցինք ներկայացնել ամենահեշտ մեթոդը, որը կօգնի Ձեզ YouTube-ից երաժշտություն ներբեռնել դեպի սմարթֆոն, սակայն, խնդրում ենք հաշվի առնել, որ իհարկե այս մեթոդը միակը չէ։

Share.