Մեկնարկվել է աշխարհի առաջին երկու էկրան ունեցող սմարթֆոնը։

0

Երբ մտածում եք ծալվող հեռախոսի մասին, առաջին հերթին, հավանաբար, պատկերացնում եք մի պարզ հեռախոս, որը կարող է միայն զանգեր կատարել և տեքստային հաղորդագրություններ ուղարկել: Սակայն ZTE-ի այս նոր Axon M-ը ժամանակակից սմարթֆոն է, այն էլ ոչ թե մեկ, այլ երկու լիարժեք էկրանով:

Առաջին հայացքից, արտաքնապես Axon M-ը ոչնչով չի տարբերվում հասարակ Android սմարթֆոններից։ Դիմային էկրանը 5.2 դյույմ է։ Այն ունի 4 GB օպերատիվ հիշողություն, 64 GB պահեստային հիշողություն, Qualcomm Snapdragon 821 պրոցեսոր և 20 մեգապիքսել տեսախցիկ: Սակայն շրջեք սմարթֆոնը և ետևում կտեսնեք ևս մեկ 5.2-դյույմանոց touchscreen դիսփլեյ, որը դարձնում է Axon M-ը եզակի։

Ինչպես պնդում է, ZTE-ն 3,180mAh հզոր մարտկոցը թույլ է տալիս սմարթֆոնին աշխատել ամբողջ օրվա ընթացքում, նույնիսկ միառժամանակ օգտագործելով երկրորդ էկրանը։ Ի տարբերություն ներկայիս այլ սմարթֆոնների Axon M-ը մի փոքր ավելի հաստ է 12.1 մմ և կշռում է 230 գրամ:

Ինչպես արդեն նշեցինք, այն համատեղում է երկու 5.2 դյույմանոց Full HD էկրան մեկ սմարթֆոնում, որոնք հնարավոր է ծալել և վերադարձնել հեռախոսը սովորական սմաթֆոնի չափսի։

Իհարկե յուրաքանչյուր էկրան ունի Gorilla Glass 5  պաշտպանական շերտ, սակայն, ամեն դեպքում, նմանատիպ սմարթֆոնի հետ անհրաժեշտ է զգույշ լինել քերծվածքներից և կոտրվածքներից խուսափելու համար։

ZTE Axon M-ը հասանելի կլինի ԱՄՆ-ում արդեն իսկ նոյեմբերից, ապա Ճապոնիայում, իսկ Չինաստանում կհայտնվի 2018 թվականի առաջին եռամսյակից։

Իհարկե, մինչև ZTE-ի Axon M-ի մեկնարկը շատ ընկերություններ են փորձել երկակի էկրանով ծալվող սմարթֆոնի գաղափարը դարձնել իրականություն, սակայն բոլորն էլ ձախողվել են:

Այնպես որ, եթե փնտրում եք ծալվող, երկակի էկրանով Android սմարթֆոն բոլոր ժամանակակից առանձնահատկություններով ZTE Axon M-ը լավագույն տարբերակն է, սակայն անհրաժեշտ կլինի մի փոքր սպասել։

Share.