Դուբայի ոստիկանությունը կերթևեկի թռչող մոտոցիկլետներով:

0

Միացյալ Արաբական Էմիրությունների ոստիկանությունը այլևս չի բավարարվում պարեկային Ferrari և Lamborghini սուպերմեքենաներով և հետաքրքրված է թռչող մոտոցիկլետների փորձարկումներով։

Ինչպես հայտնի է դարձել, այժմ Դուբայի ոստիկանությունը պատրաստվում է օգտագործել ռուսական արտադրության թռչող մոտոցիկլետներ։

Այս մասին նշվում է ոստիկանության պաշտոնական կայքում։

Անցած տարի GITEX Technology Week  ցուցահանդեսի շրջանակներում «Hoversurf» ռուսական ընկերությունը առաջին անգամ ցուցադրեց էլեկտրական մոտոցիկլետի նախատիպը։ Իսկ այս տարի ընկերությունը ներկայացրեց նույն տրանսպորտային միջոցի արդեն իսկ թարմեցված տարբերակը, որը կարող է օդ բարձրանալ, վայրէջք կատարել, ինչպես նաև տեղաշարժվել օդում ցածր արագությամբ։

Նման մոտոցիկլետը կարող է զարգացնել մինչև 94 կմ/ժ արագություն և թռչել 5 մետր բարձրության վրա։

Ընկերությունը պլանավորում է նաև թողարկել երկու ուղևորի համար նախատեսված մոդել, որը կներկայացվի առաջիկա չորս-հինգ ամիսների ընթացքում։

Թռչող մոտոցիկլետի արժեքը կազմում է մոտավորապես 150 հազար դոլար:

Արաբական էմիրությունների ոստիկանության կարծիքով թռչող մոտոցիկլետները  հնարավորություն կտան ոստիկանության աշխատակիցներին արագ հասնել դեպքի վայր, ինչը, ծանրաբեռնված երթևեկության պատճառով, շատ դեպքերում անհնար է կատարել ավտոմեքենաներով։

Նշենք, որ ոստիկանությունը արդեն սկսել է անձնակազմի ուսուցողական աշխատանքները: Ընդհանուր առմամբ նախատեսվում է ստեղծել «թռչող մոտոցիկլետների» երկու պարեկային թիմ, որոնք կարողանան հասնել դժվար հասանելի վայրեր:

Ծրագրի մեկնարկը նախատեսվում է 2020 թվականին:

Թե ինչպես է թռչում մոտոցիկլետը կարող եք տեսնել ստորև ներկայացված տեսանյութում։

Share.