Հավելված, որը կօգնի խուսափել հերթերից

0

Համաշխարհային տարբեր հաշվարկներով՝ մարդ իր կյանքի 2-5 տարին անց է կացնում հերթերում, սակայն Earlyone հավելվածի օգնությամբ դուք կարող եք մոռանալ անվերջ թվացող հերթերի մասին և ամրագրել ձեր տեղը նախապես:  Հավելվածի նպատակն է օգնել հաճախորդներին հասնել սպասարկման որակի կատարելության և  խնայել իրենց թանկագին ժամանակը։

Բջջային հավելվածը առաջարկում է հերթերի կառավարման լուծումներ, որոնք այսօր կիրառվում են Հայաստանի մի շարք հաստատություններում, ինչպես օրինակ՝ ֆինանսական, պետական և, նույնիսկ, բժշկական։

Earlyone հավելվածում այսօր ներառված են մի շարք բանկեր, բջջային օպերատորների սպասարկման կենտրոններ, պետական հաստատություններ, ինչպես նաև՝ ապահովագրական ընկերություններ: Սակայն բջջային հավելվածը ստեղծած ընկերությունը չի ցանկանում այսքանով սահմանափակվել, վերջիններս առաջիկայում խոստանում են համալրել այս ցանկը:

Ահա, թե ինչպես է աշխատում Earlyone-ը։

Հավելվածի միջոցով հաճախորդները մուտք են գործում իրենց անհրաժեշտ ընկերության էջ, ընտրում սպասարկման մասնաճյուղը, ծառայությունը։ Այնուհետև համակարգը հաճախորդին նախապես տրամադրում է հատուկ համարանիշով օնլայն կտրոն, որով հաճախորդը կարող է այցելել տվյալ ընկերություն կամ մասնաճյուղ, իսկ հերթում անցկացվելիք ժամանակն օգտագործել այլ գործերի համար:

Եթե պարզվի, որ այդ ժամին ընտրված ծառայությունը սպասարկող անձը զբաղված է կամ հետևյալ մասնաճյուղը ծանրաբեռնված է, համակարգն ավտոմատ կերպով կառաջարկի մեկ այլ ժամ։ Բացի այդ, հնարավորություն է տալիս օգտատերերին հատուկ գործառույթի միջոցով տեղեկացնել ուշացման մասին։

Այսպիսով ներբեռնելով Earlyone հավելվածը սմարթֆոնի մեջ՝ այլևս կարիք չկա հասնել բանկ և տերմինալից հերթի կտրոն ստանալ ու սպասել։ Դուք կարող եք ստանալ այդ բանկի կտրոնը Ձեր նախընտրած ժամի համար՝ տնից, աշխատավայրից կամ սրճարանից բջջային հեռախոսի միջոցով, այնուհետև այցելել համապատասխան բանկ ու առանց հերթ կանգնելու կատարել ցանկացած գործարք:

Հավելվածը այժմ հասանելի է թե iOS, թե Android օգտատերերի համար:

Դուք կարող եք ներբեռնել հավելված բոլորովին անվճար ացնենելով հետևյալ հղումով՝  iOS / Android։

12

Share.