Եվրոպայի մեքենաներումտեղադրվում է վթարի ժամանակ կյանքեր փրկող համակարգ

0

Մինչև 2018թ-ի ապրիլ ամիսը Եվրոմիության մեքենաների բոլոր նոր մոդելներում տեղադրվելու է հատուկ համակարգ՝ eCall-ը, որի միջոցով վթարի ժամանակ մարդկային կյանքեր կփրկվեն: Համակարգն իրենից ներկայացնում է ահազանգի ծառայություն, որը վթարի դեպքում այդ մասին տեղեկացնում է փրկարար ծառայություններին:

single-view-telematik-e-call-sos-knopf-2_02ecall

Սլովենիան այդ համակարգը գործարկող առաջին ԵՄ երկիրն է: Համաձայն ուսումնասիրությունների՝ eCall-ը առաջին օգնության ապահովման արագությունը բարձրացնում է ավելի քան 50 տոկոսով:

ECall-ը համակարգը իրենից ներկայացնում է մեքենայի մեջ ներդրված սարք, որը պատահարի դեպքում արձանագրում է արագության չափը, հարվածը և անվտանգության բարձիկների բացվելը և այդ տվյալները ուղարկում փրկարար ծառայություններին, ինչպես նաև հայտնում, թե որտեղ է գտնվում մեքենան, քանի ուղևորներ կան և ինչ վառելիքով է աշխատում փոխադրամիջոցը:

Հեղինակները հայտնում են, որ մեքենաների հին մոդելների համար ևս խնդիր չի լինի նման համակարգի ներդրումը, ինչը կտեղադրվի, հավանաբար, նստատեղի տակի հատվածում:

Նորարարության գլխավոր մարտահրավերը այն է, որ Եվրոպական խորհրդարանը բարձրացրել է մարդկանց գաղտնիության իրավունքի խախտման հարցը: Սակայն eCall-ի ներկայացուցիչները հայտնում են, որ վերոնշյալ տվյալները արձանագրվելու են միայն լուրջ պատահարների դեպքում և համակարգի ներդրմամբ հնարավոր կլինի տարեկան փրկել ամենաքիչը 2000 մարդու կյանք:

Share.