Իլոն Մասկը ցուցադրել է առաջին ստորգետնյա արագընթաց թունելը։ (տեսանյութ)

0

Ամերիկյան Tesla և SpaceX ընկերությունների հիմնադիր Իլոն Մասկը բացել է առաջին արագընթաց թունելը, որն անցնում է Լոս Անջելեսի ստորգետնյա հատվածով։

Ինչպես հիշում եք դեռևս, երկու տարի առաջ նա խոստացել էր թեթևացնել Լոս Անջելես քաղաքի գերծանրաբեռնված երթևեկությունը:

Ստորգետնյա թունելի պաշտոնական բացումը ցուցադրվել է Մասկին պատկանող «The Boring Company» ընկերության՝ պաշտոնական կայքի ուղիղ եթերում:

Հայտնի է, որ 10 մլն դոլար արժողությամբ այս թունելը իրար է միացնում Space X-ի շտաբը և O’Leary կայարանը։

Ինչպես նշել է Իլոն Մասկը իր թվիթերյան էջում, թունելով հնարավոր կլինի երթևեկել առավելագույնը 240 կմ/ժ արագությամբ։

Նախատեսվում է, որ հանրային տրանսպորտի նոր ցանցը բաղկացած կլինի ուղևորատար պարկուճներից, որոնք ունակ կլինեն փողադրել 16 ուղևոր մեկ երթևուկության ընթացքում։ Հատուկ պարկուճը, որը երթևեկելու է ստորգետնյա թունելով, արդեն պատրաստ է:

Իսկ ուղևորության գինը պետք է լինի հնարավորինս մատչելի՝ մոտավորապես 1 դոլար:

Շնորհանդեսի ժամանակ Մասկը հայտնել է նաև, որ թունելով արագ երթևեկելու համար Tesla Model X ավտոմեքենաները կունենան հատուկ կողմնային անիվներ, որոնք անհրաժեշտության դեպքում հնարավոր կլինի հեշտությամբ հեռացնել և երթևեկել սովորական ճանապարհներով։

Մոտակա ժամանակահատվածում The Boring Company ընկերությունը պլանավորում է նաև կառուցել ստորգետնյա արագընթաց ուղիներ Չիկագոյում՝ միացնելով քաղաքը օդանավակայանին, ինչպես նաև մայրաքաղաք Վաշինգտոնից մինչև արվարձանային Մերիլանդ:

Share.