Իլոն Մասկը նշել է դեպի Մարս ուղևորության տոմսի արժեքը:

0

Ամերիկյան SpaceX ընկերության հիմնադիր և ղեկավար Իլոն Մասկը նշել է 2020 թվականին դեպի Մարս թռիչքի ենթադրյալ արժեքը։

Նրա կանխատեսմամբ է ապագայում դեպի Մարս ուղևորության արժեքը կկազմի մինչև 100 000 դոլար:

Կարմիր մոլորակ թռչելու համար մեկ տոմսը զբոսաշրջիկների համար կարժենա 500 000 դոլար, իսկ հետադարձ տոմսն անվճար է լինելու։ Ուղևորությունից հետո բոլորը կարող են անվճար վերադառնալ Երկիր մոլորակ։

Այս մասին գործարարը հայտնել է Twitter-ի պաշտոնական էջում:

Ահա, թե ինչ է նա գրում,-«Ես վստահ եմ, որ մի օր ուղևորությունը կարժենա 500 000 դոլարից ավելի քիչ և նույնիսկ, հնարավոր է, ավելի էժան՝ 100 000 դոլար»։

Նրա խոսքով՝ դա բավականին մատչելի գին է զարգացած երկրների բնակիչների համար:

Մասկի գնահատականներով, զարգացած տնտեսությամբ երկրի յուրաքանչյուր քաղաքացի ցանկության դեպքում կարող է վաճառել իր տունը Երկիր մոլորակի վրա և ստացած միջոցներով ուղևորվել տիեզերական շրջագայության։ Մասկի ծրագրով Կարմիր մոլորակ կթռչեն մարդիկ, ովքեր շահագրգռված են տիեզերքը բնակեցնելու եւ «կենդանացնելու» հարցում։

Բացի այդ SpaceX ընկերության ղեկավարը նշել է, որ տոմսերի արժեքը կախված կլինի նաև տիեզերանավում տիեզերագնացների թվից։

Նրա կարծիքով ժամանակի ընթացքում դեպի կարմիր մոլորակ ճանապարհորդությունը կդառնա ավելի էժան և հասանելի կլինի ոչ միայն միլիոնատերերին, այլև նաև միջին դասի ներկայացուցիչների համար:

SpaceX-ը ծրագրում է մարդկանց Մարս հասցնել Starship համակարգի միջոցով։ Վերջինս ավելի վաղ հայտնի էր Big Falcon Rocket անվանումով։

Ընկերությունը արդեն իսկ հավաքել է ապագա սարքի փոքրացված մակետը, և սկսել է շարժիչի փորձարկումները։ Ակնկալվում է, որ Starship-ը կարող է ուղեփոխադրել մոտ 100 ուղևոր։

Ինչպես ավելի վաղ նշվել է, առաջին թռիչքը դեպի Մարս նախատեսվում է իրականացնել 2022-ին:

Share.