Energizer-ը ստեղծել է ռեկորդային մարտկոցով սմարթֆոն (18,000 mAh)

0

Ամերիկյան «Energizer» ընկերությունը, որը հայտնի է որպես կենցաղային մարտկոցներ արտադրող ընկերություն, հայատարարել է իր նոր Android սմարթֆոնի մասին, որի գլխավոր առանձնահատկությունը՝ ռեկորդային հզորությամբ մարտկոցն է։

Նորույթը ցուցադրվել է Բարսելոնում անցկացված Mobile World Congress (MWC) 2019-ի շրջանակներում։

Energizer Power Max P18K Pop սմարթֆոնը աշխատում է 18,000 mAh-ով, որը գրեթե 5 անգամ ավելի հզոր է, քան Galaxy S10+ի մարտկոցը: Նման հզորության պատճառով էլ սմարթֆոնը չափսերը, ի տարբերություն ներկայիս սմարթֆոնների, ավելի մեծ են։ Սակայն եթե հաշվի չառնեք սմարթֆոնի հաստությունը, Power Max P18K Pop-ը նման է սովորական սմարթֆոնի:

Ինչպես պնդում է ընկերությունը սմարթֆոնը կգործի 90 ժամ խոսակցությունների ռեժիմում, 50 օր՝ սպասման ռեժիմում, կամ 2 օր շարունակ՝ տեսահոլովակներ դիտելով:

Չնայած վերը նշված դրական կողմերին, սմարթֆոնի լիցքավորման համար կպահանջվի շատ հզոր ադապտեր և երկար ժամանակ։ Սմարթֆանի ամբողջական լիցքավորման համար անհրաժեշտ է 9 ժամ։

Նշվում է նաև, որ Energizer Power Max P18K Pop-ը կարող է աշխատել՝ որպես powerbank:

Նորույթի տեխնիկական բնութագրից մանրամասն տվյալներ դեռևս հայտնի չեն։

Հայտնի է, որ այն ունի Full HD 6,2 դյույմանոց (2160×1080 պիքսել) էկրան, աշխատում է Helio P70 պրոցեսորով և ունի 6 GB օպերատիվ և 128 GB հիմնական հիշողություն: Power Max P18K Pop-ն համալրված է եռակի հիմնական և կրկնակի դիմային տեսախցիկ ՝ 16 և 2 MP:

Նշենք նոև, որ նորույթը աշխատում է Android 9 Pie օպերացիոն համակարգով։

Ամենայն հավանականությամբ սմարթֆոնը կհայտնվի շուկայում արդեն իսկ 2019 թվականի հունիսին և կարժենա մոտավորապես 600 եվրո:

Share.