Ներկայացվել է Tesla-ի չինական «մրցակիցը»՝ առավել մատչելի գնով։

0

Չինական NIO ավտոարտադրող ընկերությունը պաշտոնապես ներկայացրել է էլեկտրական շարժիչով աշխատող իր առաջին ավտոմեքենան, որը կրում է ES8 անվանումը։ Նշենք, որ այս ավտոմեքանայի կոնցեպտը այս տարի ավելի վաղ ներկայացվել էր Շանհայում կայացած Motor Show-ի ընթացքում, սակայն այժմ հայտնի են դարձել մեքենայի բոլոր մանրամասները։

ES8 էլեկտրոմոբիլը, որի արտադրությունը կսկսվի հաջորդ տարի, կարժենա մոտ 68,000 ԱՄՆ դոլար։ Մինչդեռ էլեկտրական մեքենաներ արտադրող Tesla առաջատար ընկերության՝ Model X-ի արժեքը կազմում է 128.000 ԱՄՆ դոլար: Կարելի է ասել, որ էլեկտրամեքենաների արտադրությամբ զբաղվող չինական այս ընկերությունը ներկայացրել է իր Nio ES8 էլեկտրոմոբիլը, որպես ամերիկյան մոդելի անմիջական մրցակից՝ տալով իր նորույթին մեկ կարևոր առավելություն՝ մատչելի գին։ Ինչպես ինքներդ համոզվեցիք, ի համեմատ Tesla-ի Model X-ի, չինական էլեկտրոմոբիլը ունի կես գինը։

ES8 էլեկտրական քրոսովերի էլեկտրաշարժիչների ընդհանուր հզորությունը 650 ձիաուժ է: Հայտնի է նաև, որ 4.4 վարկյանում չինական էլեկտրոմոբիլը կարող է զարգացնել մինչև 100 կմ/ժ արագություն։

Ինչպես պնդում է ընկերությունը, մեքենան 70 կՎտժ (kWh) մարտկոցով կարող է ճամփորդել 355 կիլոմետր (մոտ 220 մղոն), որի շնոհիվ էլ այն պրակտիկ և հարմարավետ է ամենօրյա օգտագործման համար:

Նշենք, որ NIO-ն համեմատաբար նոր ընկերություն է, որը սկսել է գործունեությունը 2014 թվականին:

ES8 մոդելը արդեն իսկ հասանելի է նախնական պատվերի համար Չինաստանում։

1_2_Exterior_Front_3_41_4_Exterior_Rear2_3_ExteriorDetail_Wheel2_4_ExteriorDetail_FlushHandle2_6_ExteriorDetail_Front2_7_ExteriorDetail_Rear3_1_Interior_DriversSpace3_2_Interior_FrontSeats_v23_3_Interior_LuggageSpace5_1_CGI_QueensSeat_Relax6_2_Tech_DigitalCockpit

Share.