Նոր սմարթֆոն, որ հավակնում է գերազանցել iPhone-ին ու Galaxy-ին

0

Android-ի ստեղծողը Էնդի Ռուբինը վերջապես ներկայացրել է իր մշակած նոր սմարթֆոնը: Ընդամենը օրեր առաջ նա հանրությանը ցուցադրել է առաջին հեռախոսը, որ պատկանում է նորաստեղծ Essential կազմակերպությանը:

PH-1-ը Android սարք է՝ օժտված մի շարք հետաքրքիր ու տպավորիչ հատկանիշներով,  որոնք համարձակորեն կարող են մրցակցել Apple-ի ու  Samsung-ի արտադրանքների հետ:

glxavor

Առաջին բանը, որ աչքի է ընկնում նկարներից, հեռախոսի էկրանն է. այն գրավում է սարքի գրեթե ամբողջ դիմային մասը՝ տեղ թողնելով միայն սելֆիի տեսախցիկին:

Մեկ այլ հետաքրքիր բան՝ այն մոդուլյար է, այսինքն ունի մագնիսային միակցիչներ, որոնց միջոցով հեռախոսին կարող են միանալ տարբեր աքսեսուարներ՝ օրինակ՝ 360 աստիճան տեսախցիկ, որը հնարավոր է պատվիրել հեռախոսի հետ միասին:

ph-1-color-black-moon_copy_1000x1000-1592x796

Ինչ վերաբերում է պատվերներին, ապա սմարթֆոնի արժեքն է $749 unlocked վիճակում, 128 GB հիշողությամբ և 360 աստիճան տեսախցիկով: Միայն հեռախոսը արժե $699:

128 GB հիշողությունից բացի PH-1-ը ունի նաև 4 GB  RAM  և Qualcomm Snapdragon 835 պրոցեսսոր:

Սարքը պատրաստված է տիտանից ու կերամիկայից և հասանելի է 4 գույներով՝ Black Moon (փայլուն սև), Stellar Grey (անփայլ մոխրագույն), Pure White (փայլուն սպիտակ), և Ocean Depths (փայլուն կանաչ և բրոնզագույն):

ph-1-front-bg-white

Էկրանի չափը 5.7 դյույմ է, ինչն ավելի մեծ է քան iPhone 7 Plus-ի 5.5 դյույմանի էկրանը: Հեռախոսի հետևի տեսախցիկը 13 megapixel է,  դիմայինը՝ 8: Երկուսն էլ նկարահանում են 4K video:

Ընդհանուր առմամբ, սարքը պատկանում է պրեմիում դասին և հավակնում է գրավել իր ամուր դիրքերը համաշխարհային շուկայում՝ հաղթահարելով Samsung-ի ու Apple-ի հզոր մրցակցությունը:

Share.