Արդյոք հեռախոսները վնասո՞ւմ են մեր տեսողությանը

0

Գաղտնիք չէ, որ ցանկացած տիպի էկրան ճառագայթման միջոցով վնաս է հասցնում մարդկանց տեսողությանը: Բացառություն չեն կազմում նաև սմարթֆոնները, որոնց էկրանների առջև էլ մարդիկ անցկացնում են իրենց օրվա մեծ մասը:

Ներկայումս աշխարհում գրանցվում է տենդենց, համաձայն որի՝ ավելի շատ մարդիկ են տառապում կարճատեսությամբ քան ընդամենը 10 տարի առաջ էր: Տրամաբանական է, որ դրա գլխավոր պատճառը հենց հեռախոսների մեջ է:

Կարճատեսություն առաջանում է նրա արդյունքում, որ զուգահեռ ճառագայթները աչքում բեկվելուց հետո կիզակետվում են ոչ թե նորմալ՝ այսինքն ցանցաթաղանթի վրա, այլ՝ դրա առջևում, որի հետևանքով դիտվող առարկայի հստակ պատկերը ցանցաթաղանթի վրա չի ստացվում:

Մասնագետները նշում են, որ աչքի աճը մարդու մոտ տարիքի հետ դանդաղում է և կյանքի երկրորդ տասնամյակի ավարտին՝ կանգ առնում: Սակայն ժամանակակից հասարակության մոտ այն սկսել է կանգ չառնել, ինչը հատկապես շատ է նկատվում Ասիայի ժողովուրդների մոտ:

Man using smartphone

Հիվանդության գերտարածումը ժամանակակից հասարակության մեջ բացատրվում է նրանով, որ մարդիկ շատ ժամանակ են տրամադրում մոտ տարածությունից հեռախոսին դիտելուն, տեքստեր կարդալուն, ինչն էլ ստիպում է աչքերին համապատասխանեցնել իրենց ֆունկցիան մարդկանց կարիքներին: Դրան գումարվում է նաև այն, որ մարդիկ քիչ ժամանակ են անցկացնում դրսում՝ բնության մեջ, և չեն նայում օրինակ սարերին կամ աստղերին կամ այլ պատկերների, որոնք գտնվում են հեռվում:

 

Share.