«Ավելի լավ է անջատել»: Ծրագրային սխալը թույլ է տալիս գաղտնալսել զրուցակցին iPhone-ով

0

iPhone սմարթֆոնների սեփականատերերը նկատել են, որ FaceTime տեսազանգի համակարգում տարօրինակ սխալ կա, որը թույլ է տալիս հետևել այլ օգտատերերի: Խոսքը զանգերը գաղտնալսելու խոտանի մասին է։

Խոցելիությունը դրսևորվում է նրանով, որ զանգահարողը կարող է տեսնել և լսել բաժանորդին։

Ծրագրային այս սխալը հնարավորություն է տալիս օգտատերերին գաղտնալսել մարդկանց խոսակցությունը նույնիսկ այն դեպքում, երբ դեռ չեն պատասխանել զանգին, կամ մերժել են այն:

Տեխնիկական այս սխալի պատճառով հնարավոր է ցանկացած օգտատիրոջ զանգել iPhone-ից FaceTime-ով, ավելացնել ինքդ քեզ որպես զրուցակից խմբային զանգում և լսել, թե ինչ է խոսում զրուցակիցը, մինչ նա կվերցնի հեռախոսը։

Չսանկցիավորված հասանելիությունը հնարավոր է միկրոֆոնի տեսախցիկի միջոցով։

Նշվում է, որ խոցելի կարող էր լինել նաև iPhone-ի տեսախցիկը։ ճակատային տեսախցիկը կարող է դառնալ հասանելի զրուցակցի համար, եթե նա սեղմի բլոկի կոճակը կամ ձայնի կարգավորիչի կոճակը

Apple ընկերությունը արդեն ներողություն է խնդրել FaceTime ծրագրի գաղտնալսման համար։

Ընկերությունը նշում է, որ այդ թերությունն արդեն շտկվել է և հաջորդ շաբաթ iOS-ի օգտատերերը կկարողանան գործարկել թարմեցված տարբերակը:

Ներկա պահին IOS սարքերի օգտատերերին խորհուրդ է տրվում, ժամանակավորապես անջատել FaceTime-ը կարգավորումներից։

Այս խնդիրը Apple-ի հեղինակությունը վնասող հազվադեպ թերություններից է, որը մեծ վտանգ էր ներկայացնում օգտատերերի գաղտնիության և անվտանգության համար:

Նշենք որ, այս շաբաթ Apple-ը ժամանակավորապես հեռացրել էր Google-ից և Facebook-ից մի շարք կարևոր գործիքներ, այն բանից հետո, որ այս ընկերությունները որոշ խախտումներ են թույլ տվել իրենց օգտատերերի համացանցային անցուդարձի մոնիթորինգի մեջ:

Share.