Facebook-ը հաքերներից գնում է գողացված գաղտնաբառերը ձեր անվտանգության համար

0

Այօր քիչ կազմակերպություններ կան ում հաջողվում է խուսափել անվտանգության հետ կապված սկանդալներից, և դրանցից մեկը Facebook-ն է, որը լուրջ աշխատանքներ է տանում այդ ուղղությամբ Ալեքս Ստամոսի կողմից գլխավորած անվտանգության թիմի միջոցով:

Facebook-ը վերջին տարինեին ավելացրել է օգտատերերի տվյալների անվտանգությունն ապահովող բազմաթիվ ֆունկցիաներ, ինչպես օրինակ՝ անծանոթ browser-ից login-ի մասին ծանուցումն է, սակայն, այնուամենայնիվ, Ստամոսի թիմին շարունակում է անհանգստացնել գաղտնաբառերի խնդիրը: Դրա պատճառն այն է, որ շատ մարդիկ ծուլանում են իրենց գաղտնաբառերի հարցում՝ դնելով հեշտ գաղտնազերծվող կոմբինացիաներ, օրինակ՝ 1234567:

Պորտուգալիայի մայրաքաղաք Լիսաբոնում տեղի ունեցած  Web Summit-ի ընթացքում Ստամոսը նշել է, որ Facebook-ն իրեն պատասխանատու է համարում բոլոր օգտատերեի տվյալների անվտանգության համար, անգամ նրանց, ովքեր չեն օգտվում անվտագնության ապահովման համար անհրաժեշտ բոլոր ֆունկցիաներից: Նա նշել է, որ գաղտնաբառերի գաղտնազերծումը ինտերնետում մարդկանց վնաս հասցնելու թիվ մեկ խնդիրն է:

Տակտիկաներից մեկը, որը անվտանգության նկատառումներով կիրառում է Facebook-ը կայանում է «սև շուկայից» գողացված գաղտնաբառերը գնելու մեջ: Կազմակերպությունը գնում է դրանք, այնուհետև ստուգում՝ համեմատելով Facebook-ի համակարգի encrypted գաղտնաբառերի հետ:

Չնայած որ այս քայլի համար Facebook-ը քննադատման է ենթարկվում«սև շուկաներ» գումարներ ուղղելու տեսանկյունից, սակայն, այնուամենայնիվ, սա շատ տպավորիչ և կրեատիվ քայլ է սոցիալական ցանցի կողմից իր օգտատերերի անվտանգությունն ապահովելու համար:

Share.