Ծնողը, ում տղան դարձել է Փարիզյան ահաբեկչությունների զոհ, դատի է տվել Facebook-ին, Google-ին և Twitter-ին

0

Վերջերս, ահաբեկչական խմբավորումների կողմից սոցիալական ցանցերի (Facebook, Twitter և Google-ի YouTube-ը) օգտագործումը՝ քարոզչական, դրամահավաքների կազմակերպման և նմանատիպ այլ գործունեությունների նպատակով, հայտնվել է ուշադրության կենտրոնում:

Անխուսափելի էր թվում, որ այս ընկերությունները կմեղադրվեն ֆորումների չարաշահման մեջ և կհանդիսանան դատական հայցերի թիրախ զոհվածների ընտանիքների կողմից:

Հայցը ներկայացվել է Կալիֆորնիայի ֆեդեռալ դատարան նոյեմբերին Փարիզյան ահաբեկչությունների զոհ դարձաց Nohemi Gonzalez-ի հոր կողմից: Վերջինս պնդում է, որ Twitter-ը, Facebook-ը և Google-ը գիտակցաբար թույլ են տվել, որ ահաբեկիչների խումբը՝ ISIS-ը, օգտագործի սոցիալական ցանցերը, որպես ծայրահեղական քարոզչությունների տարածման գործիք, ինչպես նաև ներգրավի նորակոչիկների և կազմակերպի դրամահավքներ:

ԱՄՆ-ի քաղաքացի Gonzalez-ը սպանվել է նոյեմբերին, երբ զինյալները հարձակում են գործել բիստրոյի վրա, որտեղ նա ճաշում էր իր ընկերների հետ: Նմանատիպ դատական հայց հարուցվել է նաև Twitter-ի դեմ հունվարին այրի կնոջ կողմից, որի ամուսինը սպանվել էր Հորդանանում:

Այս, ինչպես նաև Nohemi-ի հոր կողմից ներկայացված դատական հայցում, ընկերությունները իրենց պաշտպանելու համար, ամենայն հավանականությամբ, պետք է անդրադառնան Communications Decency Act-ի (պատշաճության հաղորդակցության մասին օրենք ) 230 կետին, որում նշվում է, որ «ոչ մի մատակարար /provider/ կամ ինտերակտիվ համակարգչային ծառայություն չպետք է դիտվի որպես հրատարակիչ կամ ցանկացած տեղեկատվության խոսնակ, որի բովանդակությունը և ինֆորմացիան տրամադրված են այլ provider-ների կողմից»:

Այս դրույթը պաշտպանում է օնլայն միջնորդներին և հանում իրենց վրայից պատասխանատվությունը կայքերում՝ երրորդ անձանց կողմից հրապարակված նյութերից: Որը այս դեպքում ներառում է նաև ISIS-ին:

Հունվարի բողոքը չի հաստատում Twitter-ի և մարդասպան Anwar Abu Zaid-ի միջև որևէ անմիջական կապ: Ինչպես նաև կապը՝ Հորդանանում ոստիկանության դեմ հարձակում գործած խմբավորման հետ, որի արդյունքում սպանվել է Lloyd Field-ը: Twitter-ը պնդում է, որ Twitter-ը ինքնին չի ստեղծել թվիթեր, հաղորդագրություններ կամ այլ բովանդակություն պարունակող տեղեկություններ, որոնք, նույնիսկ անուղղակիորեն  որևէ կապ կարող են ունել այդ հարձակումների հետ:

Gonzalez-ի բողոքը պնդում է, որ այս երեք ընկերությունները տրամադրել են ահաբեկիչներին նյութական աջակցություն ըստ ԱՄՆ-ի օրենսգրքի 2339A և 2339B կետերի: Բողոքում նշվում են՝ ISIS-ի կողմից ցանցերի չարաշահման և անօրինական օգտագործման բազմաթիվ դեպքեր: Նաև նշում է, որ եկամուտներ վաստակելու նպատակով ընկերությունները գովազդել են ահաբեկիչների կողմից տեղադրված հաղորդագրությունները: Զարմանալի է, որ մեղադրյալները պարբերաբար շահույթ են ունեցել ISIS-ից: Նրանք տեղադրել են գովազդ ISIS-ի ուղերձների վրա և ստացել եկամուտ:

Սոցիալական ցանցերը իրենց հերթին պնդում են, որ արվում է ամեն ինչ, որպեսզի մաքրվեն ահաբեկչական բովանդակություն պարունակող նյութերը, թեև դրանք անդադար հայտնվում են նոր բովանդակությամբ մեկ այլ տեղում:

YouTube-ը արձանագրում է ահաբեկչական բավանդակություն ունեցող նյութերը և շտապ վերացնում դրանք, – ասել է Google-ի խոսնակը: «Մենք ունենք հստակ քաղաքականություն, որը արգելում է ահաբեկչական կոչերը և բռնության հրահրող բովանդակության նյութերը: Մեր քաղաքականությունը խախտող տեսանյութերը արագորեն հեռացվում են: Մենք նաև սահմանափակում ենք այն account-ները, որոնք պատկանում են ահաբեկչական կազմակերպություններին կամ նրանք, որոնք բազմիցս խախտել են մեր քաղաքականությունը», – գրել է նա իր էլեկտրոնային նամակում:

Facebook-ի մամուլի խոսնակը գրել է, որ Facebook-ում ահաբեկիչների կամ նրանց աջակցող և խթանող բովանդակությամբ նյութերի համար տեղ չկա: «Մենք աշխատում ենք արագորեն հեռացնել նման պարունակություն ունեցող նյութերը, այն պահից, երբ տեղեկացվում ենք դրա մասին»: Twitter-ը հայտարարել է, որ բռնի սպառնալիքները ու ահաբեկիչների աջակցումը տեղ չունեն Twitter-ում, և նման այլ սոցիալական ցանցերում, մեր կանոնները պարզ են բոլորին:

Իր գրառումներից մեկում Twitter-ը ասել է, որ ինչպես նշում են բազմաթիվ փորձագետներ և ընկերություններ չկա կախարդական ալգորիթմ, որը ինտերնետում բացահայտում է ահաբեկչական բովանդակություն պարունակող նյութերը: Այդ իսկ պատճառով օնլայն հարթակներ ստիպված են կատարել դատողություններ հիմնված սահմանափակ տեղեկատվության վրա:

Gonzalez-ը դատարանից պահանջում է վնասների փոխհատուցում: Հայցը, ամենայն հավանականությամբ, կավելացնի ճնշում սոցիալական ցանցերի վրա, որոնք արդեն ունեցել են ահաբեկչական հարցին վերաբերող խնդիրներ: Օրինակ սենատորներ Dianne Feinstein-ը և Richard Burr-ը առաջարկել են օրենսդրություն, որը կպահանջի տեխնոլոգիական ընկերություններից հաղորդել իրավապահ մարմիններին օնլայն ահաբեկչական գործունեությունների մասին:

Share.